حامل الحمدلله بخامس بنوته

السلام عليكم
كيفكم بنات
انا عندي اربع بنات واللحين الحمدلله حامل بالخامسة الله يجيبها بسلامه يارب
لكن زوجي لما عرف قلب وجهه ويتصدد عني ولايكلمني وبس ينافخ ولا كمان يخرج ولايقول ولايرد علي وحتى بناته يكلمونه مايرد عليهم بصراحه مره قهرني انا مايهمني زعله لانه الحمدلله انا مبسوطه وراضيه بس اسلوبه غلط ودي اقهره ودي يابنات اخليه يندم لانه حرام هاذي نعمه من الله غبني الله لايسامحه وكاني انا المسئوله ونظراته لي هذا نقص فيه مو في المشكله هو عنده مشاكل حتى في وقت العلاقه بس يكابر بالله قولو لي ايش اسوي معاه ابغاه ييندم

24 تعليق 3,092 مشاهدة

شاركي في النقاش

سجلي الدخول لإضافة تعليق.

التعليقات

24
  1. @ryna_aldloaah

    الف ملييييون مبروك الاموره والله يتمم لك على خير الحمدلله على مااعطى هذول نعمه ورزق الله يحفظهم ويرزقك برهم وصلاحهم بالنسبه لزوجك طنشيييييه ترا الحقران يقطع المصران
    خليك معه رسميه لا تبينين له ان حركاته تغبنك
    خليك ضحك ومزح مع بناتك ولا كانه موجود
    وحسسيه انك مبسوطه به وبدونه
    الله يسخره لكم المشكله المفروض مايفتح فمه
    انتي مالك دخل هوه اللي مسؤل بعد ارادة الله على جنس الجنين بس مايخالف اسحبي علييييه خليه يحس ان ان زعله ماله قيمه
  2. اذا انت مو شاطرة بالحكي والحوار المباشر ارسلي له رسالة مؤدبه اعتبي عليه فيها .
    ذكريه بالله انه هو الرازق وقولي الحمد لله بناتك بخير وأنا مقدرة انك تتمنى ولد يسندك لكن هالشي مو مني الله يخليك لي وليناتك ، فدام كل خلفتنا بنات معناته لازم نلجأ للحقن المجهري اذا تبي ولد ولعل الله يرزقكم توم اولاد ..
    قولي له ادع الله يصلحهن ويجعلهن بارات .
    لاتحسسهن انهن ثقيلات تراهن عطايا من الله غيرك يتمنى الخلفة ، واللي وهبك قادر ياخذ منك يوم انك تعترض وماتشكر ..
    تصرفك معي ضيق صدري وصدر بناتك ، تعوذ من ابليس واشكر الله ترى الله يحب الشاكرين
    .
    ارسلي له ترى الرجال يمشون بالنصح ايام لكن مشكلتهم لو احد حولهم يزن براسهم او يعلق
  3. زائرة

    الرجال مايعجبهم العجب
    أنا لما كنت حامل بولدي الله يحفظه زوجي شوي مشاكل باقي بس يعطيني كف وكل يوم يصارخ علي كانه فيه جني....حتى الوحدة بدل مانفرح جاها اكتئاب ولاحول ولاقوة الا بالله من كثر ماكنت ابكي جاني طلق فسابع بس أحمل يسكنه جن هالزوج😢💔
    مايفكرو في الوحدة وهي تعبانه إحساس مافي 
  4. @eoeoc

    ذا كيف تصارحينه ان تحديد جنس الجنين من عنده 😂٫ الله المستعان وربي ييسر لك ويسهل امورك يارب

تابعي تجارب أخرى من هذا القسم.