حامل الحمدلله بخامس بنوته

انا بعرف انو الرجل هو الي بيحدد جنس المولود 😂 معقول معلومات امي غلط و لا شو

صح كلامكم بنات لكن من زعلي منه ماني قادره حتى تكلم معاه وهو يتجاهلني
وكلكم يابنات مشكورات على الردود بس باقي فيا غصه ودي اكفخه ودي اعطيه درس

النبي صلى الله عليه وسلم قال لاتكرهوا البنات فإنهن المؤنسات الغاليات


وإذا احسن لهن يوم القيامة يكونون حجاب له عن النار

اسمعي اذا كان مستفزك طنشيه شوي واكشخي وترتبي وزيني جو بيتك بالنظافة والقهوة والسنع .
خل بناتك مثل الفراشات بالبيت.
البعض سبحان الله مايحس بمعنى سعادة الجو الأسري.
استمتعي مع بنياتك وحاولي قد ماتقدرين تتجاهلينه شوي .مو زين لك الزعل ولا راح يحس فيك .خلي كن عندك عزيمة بالبيت والبنات ان سألهم ابوهم يقولون مبسوطين يابوي ، ولو قال وش السبب يقولون وهو لازم سبب يكفي اننا معك ومع امي الله لايخلينا منكم ..
خلهم يحوفون بك وحدة تزين شعرك ووحدة تمسج رجولك واتركي زوجك لله .
ولله ياجلستك مع بناتك تسوى الدنيا وأهم شي انت خلك حلوة وكاشخه انتبهي تصيرين بقميص مبهذل وكشه . ابيك مرتبة وريحتك حلوة .وثم عقب كم يوم من هالأجواء الحلوة ارسلي له رسالة مرتبة اعجبته او ما اعجبته يكفي انك انت تبردين قلبك وترتاحين . رسالة مضمونها يابو فلان الحمد لله على كل عطا من الله ، انا احب بناتب و اتمنى الولد وجعل عمرك طويل ونجيب الولد .لاتحسس بناتك بثقلهم عليك ولاتحسس احد بهالشي.
هذي هبه من الله قابلها بالشكر وعند ربك خير عظيم . اعوذ بالله من اننا نسخط أو نضيق من عطايا الله .
ياجعل هباته لنا هبات صالحة بارة وقدامنا عمر الله يرزقنا عيال يفرحونك وهذي كلها ارزاق ..
اكتبي رسالة عاد مثل ماتبين لكن لابد تكلمينه بهدوءفيها .بعضهم حوالينه شياطين يحشون راسه بالحكي والكلام المالغ .. ثم عقب الرسالة لاتكلمينه ولا ترسلين شي و انسي انه زعلان وانبسطي والعبي مع بناتك وخليه يشوف بنياتك يلعبون ويرتبون معك وهن مرتبات وخليهن يمسجن رجوله ويتبوسمن له ويمسحن على راسه .
احلف لك انه بيعيد حساباته بينه وبين نفسه وحتى لو كان أقشر ، وماراح يقول لك شي لكن بتلاحظين انه هجد وخف وأنت كملي موالك وطريقتك بالسنع .

ادعي الله ياخيتي انه يسخره لك ولبناته ويرزقك برهن وصلاحهن ويجيك من عقب هالبنيه ولدين يسعدون قلبك وقلب ابوهم ..
.
كلنا ندري ان البنات حلوات لكن الوحدة ودها بولد مثل اللي عندها اولاد ودها ببنت .هذا مو كره للبنت او للولد لكن لأنه الانسان يبي الخير ..
الله يهون عليك ويقومك بالسلامة وتفرحين وتسمين البنيه وتسمين من عقبها عبد الله ومحمد وعبدالرحمن ♥️
ترى خمسة بنات عادي الحريم كانوا يحملون ١٠ و١٢ مرة بس الحين مدري وش بلانا ضعفنا وصرنا مانكثر عيال .
يلله اسفهلي وثم عقب علمينا وش يصير 🩷

مشاء الله تبارك الله كفيتي ووفيتي