ودي صدق اتخطاه الله يسعد ذاك الوجه وين ماراح

طول ما انتي محاصره نفسك بالصور والفيديوهات وحسابات التواصل الاجتماعي اللي تخصه راح تبقين في هذا الحال الى ان يشاء الله
طول ما انتي جالسه تتفدين هالوجه وتخاطبينه داخل نفسك بكلام حلو وتشعلين المشاعر وتنعشينها كل شوي كل ماراح يطول عذابك
مشكلتك تتلخص في انك مو قادره تعتقين نفسك ولا مشاعرك ولا تفكيرك وتعيشين اللحظه الحاضره بتفاصيلها وجالسه تغذين بداخلك الماضي وكأنك بطريقه غير واعيه ماتبين ينتهي من داخلك هذا الماضي وتفقدينه وفجأه تلاقين نفسك وحيده
ترى الوحده ما تخوف واحيانا افضل وارحم بملايين المرات من البقاء مع اشخاص متعبين
حاولي تتقبلين واقعك الحالي وتقتنعين ان الماضي انتهى ومافي اي فايده من استرجاعه بذهنك وخيالك
صدقيني مجرد ما ترضين وتقبلين فكرة انه الماضي راح في سبيله وتعيشين اللحظه الحاليه بكامل تفاصيلها خلال اسابيع قليله بتلاقين نفسك تحسنتي وزانت امورك
واهم نقطه اصنعي لنفسك حاضر ومستقبل جميل بدون لا تربطين تفاصيله بالماضي
هذا الشخص ماراح يربطك فيه غير الاطفال
عيشي حياتك وألتفتي لنفسك وصحتك وعافيتك وحطي اكبر طز للماضي وللمشاعر اللي لو فيها خير كان نفعتك
الله يشرح صدرك ويسهل امرك ويرشدك للصواب

ورب البيت ابتسمت لاراديا انبسطت ياخي ورب الكعبه♥️♥️♥️♥️♥️

كل انسان بهالدنيا ينسى اغلبنا مرينا بتجارب لو عاشقين عشق ننسى
لكن انتي ماتبغي

اول شي انك محتفظه بصوره وهذا اكبر غلط ومحتفظه برقمه عشان كذا يطلع بالتيك توك

تبغي تنسي احذفي كل شي حتى صور عيالك احفظيها بكمبيوتر شي ماتدخليه ابدا

كل مايجي عبالك لاتفكري فيه
ترى كل ماتفكري فيه كل ماتتعلقي اكثر واقري عن هالشي

لان انتي تقعدي تمدحيه ولحد يتكلم عليه وووو هذا التفكير بيعلقك ويتعبك

بالعكس غيري تفكيرك قولي هو مافيه شي زود كلنا بشر وغيره الف وفكري بسلبياته وانه ماوقفت الدنيا عليه
ساعدي نفسك محد راح يحن عليها غيرك

اشغلي نفسك بأي هدف تحاولي توصلي له لاتستهيني بهالنقطططه ابدا
مو تشغلي نفسك بشي يومي
لاااا حطي براسك شي وكرسي وقتك وحياتك انك تتعلميه
حاولي انك تنجحي بأي شي لو من البيت النجاح هو اللي بيعرف كل شخص قيمتك

وعشان تفكيرك كله يروح فيه وتحسي ان في اشياء اهم من الرجال

انا ماتذكر قصتك لكن اتذكر انه هو مايبغى يرجع عشان كذا كل مره بتجي تتضايقي
لاتنسي انه هو اللي باعك والمفروض مايبيع لو ايش ماسويتي
ودامه سوا كذا وعايش حياته حرام ياخذ من تفكيرك دقيقه

ولو احد ضايقك لو اقرب قريب لاتسمحي بهالشي
الزم ماعليك نفسيتك
حياتك مره وحده تعيشيها
عيشيها وانتي مبسوطه

بالنهاية اولادك يبغوا يشوفوا ام قويه يفتخروا فيها مو ام مكتئبه والكل يجي عليها

جاء في بالي انك لابسه نظارات وشعرك بني ومن البنات ذولاك الي مثقفات حلوات مره احب ردودك العقلانيه غيري اسمك من عواطف الا عقلانيه دخيلك

اذا تحبينه جد وسبب الطلاق كان تافه وفيه خط رجعة ، الإ ارجعي له ولاتشتتين عايلتكم،
التزمي بالحرز
ﻻ ﺇﻟﻪ ﺇﻻ ﺍﻟﻠﻪ ﻭﺣﺪﻩ ﻻ ﺷﺮﻳﻚ ﻟﻪ، ﻟﻪ ﺍﻟﻤﻠﻚ ﻭﻟﻪ ﺍﻟﺤﻤﺪ ﻭﻫﻮ ﻋﻠﻰ ﻛﻞ ﺷﻲﺀ ﻗﺪﻳﺮ .