لاتكونين سنعه كوني رفلا تربحين .عنود فهد🚫

قصدي انا ضد انها تكون رفلة😉

صادقة حبيبتي اللي تدور المدح والرضا من الناس تعيش طول عمرها مبهذلة
بس ناخذها من جانب ايجابي هي قاعدة تسوي خير للاخرين عاد نيتها الله يتولاها
بس اننا نأيد الرفلات ونعزز لهم عز الله خربوا البنات اللي هم اللبنة الاساسيه للمجتمع
حلاة البنت نشيطة لهلوبة تشيل ذا وتحط ذا تصير بعدين تعرف تتصرف وتدبر عمرها

ههههههه ياكثرهم الي حولنا كذا. لانهم يالله يصومون فاذا صاموا اشغلوا العرب لازم فطور متكامل. وصادقه يكون كل شيء باعتدال. وكمان اذا شافت نفسها انها بس تبذل طاقة بدون حسنات والي قدامها مايستاهلون توقف وتعطي بطاقتها.

شوفي  صارت هذي ظاهره منتشره بعض البنات نشيطات وكل شيء فوق رؤوسهم ويجونك النوع الثاني رجل على رجل وماسكه المجلس سوالف وبس تتقهوى وتعلق على الحلا الي عاجبها وحاطه الحمل كله على النشيطات واللهلوبات. وفعلا حتى الازواج الي يشوف زوجته سنعه يشغلها بالعزايم والي زوجته يالله تقوم مايعزم على فنجال قهوه. بس ان المشكله والي فعلا اشوفها ان هذولاء النشيطات احيانا يكونون هما دائما في الواجهه ودهم ينسحبون بس ماعاد يقدرون الا لازم يغيرون اخلاقهم. فاذا الواحده ماتقدر تخرج من هذا الضغط تحتسب الاجر. والله بيعوضها

مثل بنتي الله يصلحه اول يوم رمضان قالت ماما سوي لقيمات وعييت وراحت تسوي هي وطلعت عجين أنا اخاف من الزيت ماشاءالله تبارك الله هي ماتخاف حلو موضوعك