مشكلة وفضفضه وابي استشاره

الأسرة بحد ذاتها نعمة وربما من أكبر النعم،.... الانسان هو اللي ينشر السعادة وليس المحيط ، أنا أعطيك أمور التزمي بها بدل الهروب وشوفي كيف بتتغير الظروف من حولك ،اول شيء الصلاة في وقتها ثاني شيء ورد من القرآن كل يوم ، ثالث شيء الهدوء ثم الهدوء حافظي على الهدوء في جميع المواقف ،وفقك الله

طيب هذا وضعي من كنت صغيرة والي يصير معاي يصير مع خواتي، يعني هل في أطفال بيسوون شي يحلون اهلهم يكرهونهم!
انظف البيت من كل قلبي ومع ذلك ماما دايم تجي تنقد وتهاوش واحيانًا تمدح
القهوة والحلا نسويها لكن ما نسولف بشكل طبيعي إذا جينا نسولف مع ماما تهاوش وتعصب هذا طبعها
دايم اسوي المعروف ولا انتظر منهم مقابل لاني ادري ماراح أشوف شيء لكن كتبت كذا لان ما ابي أضيع عمري اكثر ومافي حل إلا اني اروح لمكان افضل❤️‍🩹

تدرين دوامي من الساعة ٨ إلى ٤ العصر وعلى مدة سنتين بالجامعة اقضي كل هذي المدة لحالي ماعندي صديقات 🥲 مقدرت أتعرف على احد حاولت حاولت لكن ماقدرت، وحتى اهلي ناس مو اجتماعيين مع ان عايلتنا كبيرة لكن مانتجتمع مع احد ولاتطلع من البيت إلا بين كل فتره وفتره
تدرين بعد اني اكثر وحدة بين كل خواتي اطيع أبوي واسولف معاه ومع ذلك شوفي وش سوى بي!
عمومًا كلامك جدًا لطيف ومريح الله يسعدك❤️‍🩹

كيف حاطة حواجز مع واقعي ؟

الحمدلله على كل شيء ❤️‍🩹
كيف حكمتي ان ركزت على الأشياء السلبية وكيف قررتي اني عايشة دور الضحية وكيف توقعتي اني أعطي أبوي نظرات او أشياء مثل كذا عشان كذا تحاشاني! او كيف أعطيهم نظرات اني مب راضية عن حياتي !
كيف اخترعتي سيناريو اني أنا ضحية واسوي نفسي عطوني وزيدوني وأحسسه بالذنب! أنا حتى ماقلت كذا!!
والأدهى انك تقولين ان جالسة اجمع أشياء وادقق عليها!
ردًا عليك كل شيء قلته او قلت اني عشته والله اني ماكذبت فيه وهذا واقع ومب مواقف صارت هذي حياتي وحياه ٦ بنات عايشين معاي بالبيت !
وانا دايما إذا جو شكوا لي اذكرهم بالزين، وابوي محد من خواتي يطيعه كثري ولا وحده فيهم نفسها حلوة معاه مثلي ولمن تحاشني حتى هم استغربوا لانهم يدرون اني علاقتي فيه احسن من علاقتهم فيه وعمري ما حسسته بالذنب ودايم اقول له الكلمة الحلوة
ودايم احاول امسك اعصابي ولكن جيت شكيت هنا تجين انتِ الي ما تعرفيني ولا تعرفين شيء تحطين اللوم كله براسي وانه انا السبب! ما ادري كيف طاوعك قلبك تكتبين كذا وكأنك عايشة معاي!