الزوج النرجسي

شكراً على عزيزتي ديم على التعديل..أنا عدلت في وقتها من عندي وقرات وفهمت بس كنت حابة غيم تعدله لأن كلامها حلو وحيستفيدوا الناس..

بالنسبة لك انتِ يا أم الهبة ما هبة وكل بعد سطرين تكتبين هبة وهبات..
مادري ليش حسيتك نرجسية فتبي تدافعين عن النرجسين!!
و ربما انتِ اللي جالسة تعملي لنا ديس لايك.. الله اعلم..

أو إنك مانتي متزوجة فجالسة تتفلسفين فلسفة يعنني انك فاهمة في الأزواج والحياة الزوجية وتنصحيني في نصيحة الرجوع وإني تعاطفت معاه ومعليش كلامه ماله قيمة ومدري وشو، وكأني وحدة توها متزوجة من وحدة مهي متزوجة ولا جربت الحياة الزوجية..

فإذا انتِ مو كذا ولا كذا فما أدري هل ادعي عليك يبتليك ربي بشخصية نرجسية خصوصاً اذا زوج يستنزف طاقتك ويرهقك ويسمم حياتك وتعيشي الليالي السوداء مع امراض نفسية وصحية وجسدية ويظلمك في حقوقك مهما اعطيته من المشاعر والحب والاحتواء والطاعة والغنج والدلال والتفاهم ووو..تعالي وقتها احذفي رسالتك هذه...

واضح ثقافتك ضئيلة وركيكة وجالسة تتفلسفين ( هبة ما هبة وبعبداً عن موضة الجدبدة )
التعليم والتثقيف ما ينقال عليهم موضة، مهي ملابس تنتهى تاريخ صلاحية موضتها...

الشخصية النرجسية موجودة منذ العصور القديمة مو من سنتين هبة جديدة علقولك حتى المصطلح نفسه ( هبة)
مصطلح جديد ما قد سمعناه أيام امهاتنا وجداتنا ولا موجود في القاموس..

الشخصية النرجسية من أيام الجاهلية ومن عهد الرسول والصحابة ومن عهد أجدادنا وأباءنا موجودة، لكن ماكانوا يعرفون مسمى هذه الشخصية، وياما شوفنا أيام دراستنا من المعلمات والطالبات والجيران والقرايب والمعارف والصديقات نرجسيات لكن ما كنا نعرف مسماهم غير اننا كنا نغتابهم من وراء ظهورهم أو على الاقل نستغرب منهم، لأن العلم كان محصور ما تطور، ولما تطور العلم والتعليم وصاروا في مختصيين ودكاترة لعلم النفس وعلم الشخصيات اسموا هذه الشخصيات بمسميات علمية مثلها مثل الشخصية العصبية والشخصية الحساسة والشخصية الانطوائية والشخصية الاعتمادية والشخصية الدمقراطية، والشخصية الجريئة، وكذالك من ضمنهم الشخصية النرجسية..

وصار في دورات ودراسات كي نتعلم ونتفقه ونتثقف كيف نتعامل مع الناس والمجتمع ومع أزواجنا وأولادنا وممن حولنا ووو..

وشكر جزيل لكل مختص وعالِم ودكتور على تعليمنا وتثقيفنا، درسوا سنين وسهروا الليالي و نالوا الشهادات العليا كي ينشروا لنا العلم والتثقيف وينوروا بصيرنا ويرشدونا، ثم تيجي وحدة ثقاقتها مركونة تقول موضة جديدة وهبة وهبات..


وقولتي انك مستغربة من طرح موضوعي، بل أنا المستغربة دامك ماجربتي الشخصية النرجسية ولا عاشرتيهم ولا زوجك نرجسي هذا اذا متزوجة فليش دخلتي تتفلسفي في نصيحتك؟!!عنواني واضح ( الزوج النرجسي)
يعني فقط اللي زوجها نرجسي تدخل وتتكلم، ما عملت نداء عام للمطلقات والمتزوجات، بل فقط اللي زوجها نرجسي تتفضل ترد تعطيني من تجاربها...

زوجات النرجسين هن الوحيدات فاهمين سؤالي..


و حطي في بالك ياماما الزوج النرجسي ما ينعرف من أولى الشهرين ولا من أولى السنتين ولا من أولى العشِرة..

لابد تعاشريه بحلوها ومرها، ويحصل لك مواقف معه بسلبياتها واجابيتها وتمري بصدمات وخيبات وجراحات وألآم وصحوات ومراحل من حياتك معاه حتى تستوعبي شخصيته..

اذا أنا عن نفسي ما عرفته انه نرجسي الا بعدما انفصلت منه بعدما استوقيت عليه، ربي قواني عليه ما قرأت ولا سمعت ولا طبقت ولا كنت وقتها سمعت عن النرجسية الا بعدما انفصلت، فصرت كلما اسمع او أقرأ عن الشخصية النرجسية، الزوج بالتحديد، ينطبق عليه حرفيا وعلى حياتنا الزوجية فمن هنا عرفت انه نرجسي وإني كنت عايشة مع واحد نرجسي ، مو من باب للطاقة قولت عليه نرجسي..

و استقاوي عليه ماكان من دراسة ودراية وسماع، بل من ربي هو كان مستمدني بقوته ومازلت، ما اجعله يتجاوز حدوده...

شكرا غيم على مجهودك، كلامك منطبق ١٠٠%
الا نقطة قولتي ( يشكك في نفسك او يوهمك انك على خطأ)

لا الحمدلله ولا عمري شككت في نفسي ولا يقدر، ولا عمري توهمت في نفسي ولا يقدر، بس كنت استغرب من ردات فعله أو من كلام يقولها فيني وهو اللي فيه، لكن فيما بعد استودعبت هو يقلب الطاولة، محاسني وايجابياتي ينسبها لنفسه، ومساؤه وسلبياته يرميها عليّ، بس أنا ما كنت اسكت له، كنت ادافع عن نفسي، ماني شخصية ضعيفة ابداً بس كنت طيبة كثير وعلى نيتي وسجيتي واسامحه كثير واتجاوز عنه كثير واغفر زلاته وهفواته، لكن الا يغلط عليّ ما ارضى، لكن في الأوان الأخيرة حتى الطيبة راحت مني وبالفعل استوقيت عليه لكن من الله يعني ما سمعت ولا قرأت ولا طبقت، كذا من الله شخصيتي تغيرت عليه..


وسؤالي هل يتغبر الى رجل طبيعي أم لا؟
لأن جدا جدا مصر ارجع له فكانت مجرد فكرة خطر على بالي لو رجعت له يتغير أم لا؟

لكن لااا اظن يتغير، وإن تغير يمكن يتغير ١٠% وهذا بعدما اجتهد في تغيره فكان يطلع معي هذه النسبة ثم سرعان ينتكس لدرجة تجيك صدمة عنيفة في نفسك و ارتجاج في مخك من كثرة الصدمة لأنك تأملتي التغير فيه وانبسطتي، وإلا فجأة يصدمك صدمة عنيفة كأنك نفختي في قربة مفقوعة

لا بارك الله بالكتمان😁
سمعتي لي كل حرف حفظتيه وسمعتيه
وحطيتي فيني ماليس بي واتهمتيني بوضع عدم الاعجاب على اساس انا عندي كل هالفضاوه والضحاله ما ألومك يمكن اول مره تشوفين لي تعليق وللاسف سوء فهمك للتعليق خلالك تمسكين خط طويل عريض وتنتفضين وتبرقين وترعدين عالفاضي
ارجعي اقرأي تعليقي وحاولي تستوعبينه انا ما انكرت وجود الشخصيات النرجسيه انا حاولت اخليك تتجردين من الاحكام المسبقه والمسميات والتصنيفات المعلبه وتتخذين القرار بناء على رغبتك الشخصيه وشعورك وخبرتك فيه بحكم انك عاشرتيه وتعرفينه
وبخصوص ان النرجسيه هبه نعم للاسف صارت موضه وهبه اخر سنتين واللي مطلعين على السوشال ميديا اللي مهتمين بهذا المجال يعرفون انها صارت مثل هبه كل من هب ودب يتكلم عنها ويفتح نقاشات عنها وصار بعض الجهلاء يعلقون أي شي على النرجسيه
وبالنهايه هذا مجرد رأي شخصي وليس كتاب مقدس يلزمك الأخذ به
يعني انتي فتحتي موضوع وانا علقت ومشيت وانا ما اعرفك ولا بيني وبينك شي عشان تبرقين وترعدين وتشخصنين الموضوع
اهدأ من كذا حجيه

اعتقد لاحظتي ختمت بـ الله أعلم..
يعني الله أعلم اذا انتي اللي عاملة ديس لايك ولا لا..
دامي قلت الله اعلم فنسبت العلم لله هو وحده يعلم، يعني ما اتهمت، في فرق بين التهمة والتخمين..

ثم ما فهمتك وش اللي سمعت لك كل حرف وكل كلمة وحفظته وحطيته؟!!

ترى قبل يومين راجعة الموقع بعد سبعة سنوات وشايفة عضوات جدد لأول مرة اشوفهم..
لا بارك الله بالتهمان، حركات البزرنجية ماني لها يا بنتي


و ايه صحيح لأول مرة اشوف تعليقك ويمكن حتى ما ركزت في اسمك الا الحين...

وما همني مين تكوني حتى لو ملكة المنتدى، همني الكلام نفسه، و واضح انك نرجسية ما تستسلمين إلا و إلا كلامك لازم يكون صح حتى لو عرفتي في داخل نفسك انك على غلط وعلى جهل لكن كبريائك مايرضى الاعتراف وهذه من الصفات النرجسيين...

عاد باقي كلامك وجلال الله تعالى خلقي مو طويل اقرأ كلام مالا يهمني..


نصيحة لا تدخلي بين المتزوجات ولا تنصحيهم مو ملايق عليك