جديد مشكلتي مع زوجي وش الحل معه

سلام
شوفي صح اغلاط زوجك مره قويه
لانه يشك فيك
بس كنتي تقدرين تئدبينه وتربينه وانتي عنده وبيته
ليش تروحين لبيت اهلك
المهم اعطيه فرصه وقولي انا اعيش مع اي شخص الا مع الشكاك
وعلميه ان اكثر الخلع اللي صار بسبب شك الازواج

حسستيني ان عمرة ١٠٠سنه بالعكس اعطاني دلع وحب واهتمام ومراعاه  كثير من بنات عمي وبنات خالي وخالاتي وقريباتي ماااشافو هذا الدلع ولاربعه  وهم ماخذين شباب الي مطيح بالاستراحات عند اخوياه والي مايجلس بالبيت ولايصرف عليها ريال واحد والي والي 
اما زوجي وفر لي خدامه وانا توي عروس ماكملت السنه زواج  وبيت فخم واثاث من افخم وهدايا وكلام حلو وحنيه تبارك الرحمن ومعطيني برمضان للعيد ٥ الاف ريال ماشاءالله ومايرفض لي اي طلب اطلببه بدا ماشاءالله تبارك الرحمن لدرجه انه يخليني انام لين الساعه٥ العصر من كثر ماهو يحن علي وصاير ياجل وجبه الفطور كان يفطر الساعه٢ الظهر كل يوم واجل وجبهةالفطور لحد الساعه٥ الين مااصحى انا واكون شبعانه نوم والاقيه محضر الفطور والشاهي ماشاءالله تبارك الرحمن وينتظرني اصحى هذا غير انه محافظ على صلاته ويسارع للذهاب للمسجد اول ماايسمع الاذان اذن ويحرص على السنن يصليها ويقرأ الاذكار  غير بالعلاقه يحاول يرضيني بكل الطرق ماشاءالله تبارك الله 
والحمدلله مهتم بجسمه ورياضي زوجي وشكله اصغر من سنه ماتعطين عمرة بال٦٠ ابدا الي يشوفه يعطي عمرة بال٤٠  احمدالله واشكرة عالنصيب الحلو بس كسرني باتهاماته لي ورفضه الاعتذار وعنجهيته ورافع خشمه  وبنفس الوقت ماودي اخرب بيتي والحب الي بيني وبينه 
احترت مدري وش اسوي ؟!

خص انك تمدحين اخلاقه وصلاته
يعني فيه صفات حلوه تخليك تتمسكي فيه
اعطيه فرصه

وتري مالك الا سنه معه يعني قدرك قليل عنده
يمكن يطلقك بكل سهوله
القدر والمعزه والعشره تجي مع السنين

يابنت فيه كل هالصفات وجالسه
ارجعي ربي يصلحك

بنات بكتب لكم حلين وابيكم تختارون لي واحد من الحلول الاثنين هذي عشان ارجع بيتي
الاولى اني اراسله واقوله اني شاكه اني حامل واشوف وش،يقول لي 
اواخلي اخوي غير الشقيق يكلمه ويحاول يصلح بيني وبينه ويقرب المسافات ؟!مع ان عندي تحفظ على هذا الحل الثاني لان اخوي يقولي اسبابك للزعل مالهااي اهميه زوجك من حبه لك يغاار عليك بجنون بذات انك جميله وشابه وصغيره وهذا دليل على تعلقه بك يعني اخوي موشايف ان زوجي غلط ابدا وشايف كل كلامه لي انه بدافع المحبه والغيرة