اتفق مع رد سيلين ابحثي بقوقل واليوتيوب عن تشافي جرح الأب واقرأي واسمعي عشان تفهمين وضعك وتوصلين لطريقه تشافي هذا الجرح اللي بداخلك
واول طرق الحل انك تفرغين هذا الغضب اللي بداخلك اتجاه ابوك سواء بالكتابه او الكلام والبكاء اكتبي وقولي اي شعور بداخلك حتى لو بدون ترتيب وتنميق وترابط المهم تفرغين هذا الكبت اللي بداخلك
وثاني شي حاولي تلتمسين لابوك عذر لو عذر تافه مثل انه كان جاهل طايش عقله وعلمه على قده او اهله ربما كانو سبب انه يصير مؤذي او اي سبب من الاسباب
وثالث شي تذكري ان البشر مو ملائكه حتى انتي وانا معرضين اننا نرتكب اخطاء في لحظات طيش ولحظات زعل ومكابره و ...الخ وممكن هذي الاخطاء تكلفنا اشياء كثير ونخسر حاجات واشخاص من حياتنا فلازم ما نقسى على انفسنا ولا على غيرنا لان هذي الاخطاء هي اللي راح تعلمنا الصح والغلط بالمستقبل وهذي حكمة الله
رابع شي رغم ان ابوك غلطان حاولي تسامحينه وتسامحين نفسك وامك على كل شي حصل بالماضي لان مثل ماقلنا هذي حكمة الله انكم تمرون بهذي التجربه عشان تتعلمون هذا الدروس وتنضجون وتصيرون اعقل واقوى
خامس شيلازم تتقبلين فكرة انه خلاص صار معاك بطفولتك هذا الشي وماراح يرجع الزمن ويتغير اقبلي الماضي مثل ماهو بمره وقسوته وصعوبته واعتبريه تجربه مرت وانتهت ولازم تطلعين منها وتكملين حياتك
لو نجلس نتمسك بكل شي مؤذي بحياتنا ماراح نتقدم وتمر بنا السنوات واحنا معطلين حياتنا على الفاضي
تعلمي تسوين سكيب بسرعه وتتحطين الحياه تحتاج منا نتعلم هذي الصفه قد ما نقدر
وبس تحرري من الماضي والحاجات اللي مستحيل تتغير وتتبدل واوصلي لمرحلة سلام وتسامح وتسليم لله
الله يقويك ويجبر خاطرك ويعوضك ايام حلوه
مابي اصبر حسوده بس من سمعت الخبر وانا 💔
متابعة النقاش، صفحة 3
