ليش الي تدافعين عنه ينقلب عليك ؟
طبعا ماعرف من وين ابدا وشنو اقول بس حابة افضفض شوي لاني ماعندي حد اكلمه وبنفس الوقت حابة اعرف ليه امي تتصرف كذا او بشكل عام الناس الي ندافع عليهم وبعدين ينقلبون علينا شنو السبب ليه يسوون كذا ؟ مشكلتي امي تجي تشكي لي من اختي وتضل تتكلم عليها وانا ينحرق دمي على امي لاني احبها واختي ذي متعبتنا بشكل لايوصف الله لايوريكم وانا بكل سذاجة اروح اتكلم مع اختي وامي تجي معي وعسى ما امي تكلمت معها كلمة وحدة اختي تضل ترد عليها وترفع صوتها وتخلي امي ماتعرف ترد امي تتكلم كلمة اختي ترد عليها بعشرة وانا ينحرق دمي من اختي لانها تتكلم مع امي كذا وارد عليها واختي تضل تبكي وتسوي نفسها مسكينة وامي تقتنع بكلامها وتصدقها وتقول هي صح واطلع انا غلط وانا اسوي مشاكل وينقبلون علي ثنينهم وبعدها يتصالحون وانا مايكلموني وامي تقول علي قدام اختي اني غلطانة ولازم اعتذر منها مع اني والله ماسويت شي بس مجرد كلمتها وهي تبدي تعصب وتبكي طيب ليش كذا انا دافعت عليك ليش تسوين فيني كذا المفروض توقفين معاي ليش تحرضيني وبعدين تنسحبين وابقى وحدي بالمشكلة وانا ماسويت هالشي ودافعت عنك الا لاني احبك وماحب احد يتكلم عليك ويرفع صوته عليك هذا جزاتي ؟ كل مرة تسوي فيني كذا وانا مثل الهبلة اروح ادافع عليها وتصير المشكلة بضهري بس من بعد هالشي مستحيل ادخل بمشكلة عشان حد ثاني لان كلهم يتصالحون اخر شي ويقلبون عليك والله شي يقهر اقسم بالله
