ليش الي تدافعين عنه ينقلب عليك ؟

لاتتدخلين بينهم الا بالاصلاح والكلام الزين لاتتضاريين وش لكم بالمشاكل تقصر العمر

كل مرة اقول ماعاد بتدخل بس لما اشوفها تصارخ على امي وهي ساكتة انقهر واتدخل بس خلاص ماعاد بتدخل لاني تعبت

والمشكلة يوم اقول لامي اني اتدخلت عشانها وسويت مشكلة تقول محد قالك تتدخلين وانا ماعاد بشتكيلك من اي شي بخليها بقلبي لانك منافقة توصلين كلام ماتوقعت انها تفكر فيني كذا مع اني مو نيتي ابد انافق بس هي كذا فهمت

محد طلب منك تتدخلين او تلعبين دور المصلح الاجتماعي
ومثل مايقولون من تدخل فيما لا يعنيه نال ما لا يرضيه
لو كل شخص جاء فضفض لي او تكلم عن مشاكله وخلافاته ورحت تدخلت بينهم ماكان بقى بيت عامر
لان التدخل بين اثنين يشعل نار الفتنه
وحطيها في بالك وتذكريها زين انه من حكى لك حكى فيك
هذي قاعده حطيها بين عيونك ولا تفرحين ولا تتحمسين زياده عن اللزوم لما يجي احد يحكي عن غيرك عندك لانه في اقرب فرصه تتاح له راح يحكي فيك بنفس الطريقه والانفعال ويطلعك قدامه اسوء خلق الله ويكسر خواطرهم مثل ماحصل معك بالضبط
يعني خذي وخلي من اللي تسمعينه ولا تاخذينه بجديه
واذا جاء شخص يفضفض لك ويطلع الطرف الثاني اسوء خلق الله بدال لا تنشحنين وتولعين نار وشرار اعرفي كيف تطفين انفعال اللي يحكي معك وتلطفين الجو وتسلكين وتهدأين النفوس

امي تقول انها ماتزعل من اختي لو شنو ماسوت ماعرف ليش كذا امي تسكت عن اي شي غلط اختي تسويه حتى لو كان الغلط كبير ماتواجهها ابدا تجي تتكلم عليها عندي واذا جات اختي للغرفة امي تسكت وتغير الموضوع مع انو امي شخصيتها قوية مع الناس وماتخاف من حد ماعرف ليش كذا ضعيفة قدام اختي