زوجي والتدقيق والتوجيهات

هذا هو الزواج دامك قبلتي تتزوجين مجبوره تتحملين وجود شريك بالحياه
اما بخصوص انه يغسل ويعدل معاك طيب خليه ينظف ويكرف دامه فاضي لدرجة انه لاقي وقت لشغل البيت
واذا اعطاك ملاحظات واوامر قولي له تمام اجل انت سويها وانا اروح اسوي شي ثاني
خذي الامور سهالات لا تشدين
لانك تشتكين من التدقيق وانتي اللي تدققين في الحقيقه وواقفه لزوجك على الحرف والكلمه
ترى عادي مرات الاشخاص اللي معاك بالبيت يتكلمون ويشاركون في الاشياء اللي تسوينها بالبيت
مثل لما تكلم عن المواد الكيماويه بالمنظفات شديتيها وهي مجرد سالفه خذيها بأريحيه قولي فعلاً صحيح الكيماويات مضره
واذا انتي وياه لسه في بداية زواجكم وانتي عاطيته فكره انك ماتعرفين لشغل البيت تلاقينه يحشر نفسه ويتدخل وهدفه انه يساعدك ويعلمك لا اكثر مو قصة تدقيق او وسوسه
ومع الايام ممكن الامور تتحسن لما كل شخص يعرف الثاني زين

ردي عليه بشكل هادئ وحازم بنفس الوقت. قولي له: “أنا مقدرة حرصك، بس ترا المبالغة في التدقيق على كل شيء يخلي الحياة متعبة. أنا أسوي الأشياء بطريقتي الي تريحني، ومو كل مرة احتاج انك تنصحني أو توجهني. خلينا نعطي بعض مساحة وراحة حتى نمشي الحياة بدون ضغوط.
هالكلام ممكن يفتح له مجال إنه يفكر بموقفه بدون ما يصير صدام مباشر.

اطن ان فيه وسواس قهري
الله ييسر لك أمورك

بكرا اذا مسح يده من كل هالكلام بتمدين بوزك انت والعضوات الي ردوا هنا
عشان كذا اسكتوا ولا تكتب سيئات للنفاق في صحيفة اعمالكم احسن لكم

قلتلك
الي ينتقدك عليه قولي خلاص
هذي من مهامك
أنا هذا حدي
وهذا الي أقدر عليه

مهمة اللمبات قبل الخروج
قولي عليك
أنا أنسى ما أركز.

طبخ وغسيل لحم ومدري إيش
مجرد يدخل ويتلقف حطي
كل شي من يدك وقولي كمل
دام منت واثق بطبخي ونظافتي
خلاص اطبخ انت.
وخليك صاااامله.

أي شي يزعجك بتكراره منه وليه المهمه.
قولي خلاص مالي شغل فيها.


زوجي كان لما يمرض أحد من عيالي
وأوقت المنبه عشان المضاد يجلس
فوق راسي.
اسحبي ٥ مل بالضبط
رجي القاروره زين
خلي الولد مستقيم وهو يآخذه
لاتسدحينه على طول
انتبهي لو استفرغ للوقت عشان
تعيدين الجرعه

لين يرتفع ضغطي ألف
نفس الكلام نفس التوجيهات
نفس الروتين في كللللل مره
أعطيه المضاد

يعني ثلاث مرات في اليوم أسمع هذي
التعليمات. وساعات تكون الجرعه في الليل أصحى وأنا نايمه ونعسانه ومع ذلك يصحى معي ونفسس الموال

أنا ألقاها منه ولا من النوم!

قمت مره وتعب واحد من أطفالي
وسلمته المضاد وحلفت حلف عظيم ما أعطيه ولا جرعه ولا أتولى أمر علاجه هذي المره لو تنطبق السما على الأرض.

أقسم بالله إنه لو جا موعد جرعه وهو في العمل إنه يطلع ويعطيه بعد ما كنت أخلي عملي عشانه.

عرف ان فلسفته مالها داعي وانه بالغ وان ثمن قرقرته هو إلتزامه بلي أنا كنت أسويه وراضيه.

جربي واصمليييي
والله يتأدب