لو أم زوجك صرخت عليك

فعلاً سمعت عن السكن مع أهل الزوج ومشاكله لكن الظروف وإن شاء الله كم شهر وتنتهي.

والكلام عن بعض من وراهم في الطبيعي لحد معين ومايكون في حالة مرض أو حادث( العشرة ماتهون على المتربي على الطيب).

هي حاسة بردة الفعل واضح. صح رجعت تتعامل طبيعي لكن صارت تستخدم نبرة الصوت العالية، من قبل ماكانت كذا. ( هل السكن مع بعض له دور؟)

وحتى شغل البيت هم ماعندهم عاملة، وبما انها تشوف إن زوجة ولدها اللي عندها رضيع وتتعب وتسهر تجيب عاملة بالساعات وتدفع لها أدباً وذوقاً منها. كل هذا يبين معدن زوجة الولد. الموضوع فعلاً يحز في الخاطر.

المشكلة إن أم الزوج على كلامها عاشت الأذى من أهل زوجها سابقاً وتعرف وش يعني هالشي ومارتاحت إلى أن طلعت من عندهم وحتى زوارتهم وجمعاتهم ماتحضرها وبنتها لليوم ماتخالط أهل ابوها من كلام أمها عنهم.

انتي اللي ساكنة عندهم ولا هي اللي ساكنة معاكم
تفرق إذا البيت بيتك فالخدامة انتي تطلبيها من زوجك يجيبها لك
لكن إذا بيتها فهي حرة تجيب عاملة او لا
ولا يهمها أبدا مرة ولدها عندها طفل او غيره
لأنك ببساطة مو بنتها
فأنتي لاتجهدي حالك في البيت سوي اللي تقدري عليه
تعلية صوتها وتغير معاملتها فطبيعي حدا
لما تكونو بعيدين يكون الاحترام اكثر
لكن الاحتكاك يخلي الاحترام يقل بينكم
وحتى هي ممكن تتطاول عليك لو هي بالاساس ماتعمل حساب لأحد
وممكن تشوفي فرق المعاملة بينك وبين سلفاتك وعيالهم
تحترمهم وتقدرهم اكثر

بيتهم، العاملة على حساب الزوجة. حنا تربينا من الأدب إذا زرنا بيت أهل الزوج لازم نساعدهم فكيف إذا جلسنا وسكنا؟

باقي السلفات مايجون كثير، قليل، بس الأحفاد مع الأباء يجون بشكل يومي، السلفات اللي تدرس واللي موظفة وبعدها عندها مشروع خاص ونادي رياضي، فالأطفال معظم يومهم بيت الجد هي تربيهم. ومحدن يعطيها هدايا أو ذهب إلا زوجة الولد اللي غلطت عليها والكل عارف هالشي حتى الزوج.

قلتيها شهر زمان ويتغير الوضع احمدي الله انه مو دائم
واهم شي تعاملك بما يرضي الله سبحان الله الدنيا دوارة والايام تمشي بسرعة
لذلك طنشي وصبرتي هذه الشهور و ان شاءالله بترتاحي بعدين

كيف العاملة على حساب الزوجة
والمفروض الام يكون عندها عاملة
وين عيالها مايجيبولها شغالة تقوم بيها وبالبيت