زوجي والغيره والخدمات

لانك هبلا خليه بالطقاق اذا شافك مو مهتمه لاهتمامه للخدامه خلاص حيبطل حركاته في النهايه هي خدامه واكيد ما راح يلتفت لها اهم شي انتي سوي لك موقف وازعلي لانه ما احترمك وعلى تجريحه لك ولا تتاسفي له لانك ما غلطته وهذه يسمونها قلة حيا

شوفي من البداية عشان ما تظنين اني اطبّل لفعله صحيح يعتبر خطأ ولكن ..
وش مغزاه من ذي الحركات وايش اللي تتوقعين يبي يحصّله منك ؟
يمكن يبي يثير غيرتك ويبيك تهتمين فيه !
ف انتِ حسسيه بالاهتمام واحتويه ترا بعض الرجال حركاتهم طفولية ف هو شاف انه لمن يسوي الحركات هذي ويتعمّد يثير غيرتك تجيب نتيجة ويستانس عليها !

ف انتِ اهتمي فيه وبتفاصيله قولي له وش تبغى جيبي له القهوة صفّطي ملابسه واكويها وريه انك انتِ مهتمّة فيه لا تخلّي الشغالة حولكم ولا تدخل بعلاقتكم ! بخري له ملابسه تعمّدي توريه بخريه وهو طالع للشغل وهكذا ..

انا اشوف انه يسوي ذي الحركات يبيك تهتمين فيه تحرّكي قولي له وش تبغى وش ما تبغى وزي حاولي تصلحينها وادعي الله انه يعينك

الله يصلح بينكم ويهديه

معليش ردك ورد اللي يقول يبي يثير غيرتك يضحك
يعني لو وحدة فيكم زوجها خرج عريان قدام الشغالة بتقولو نفس الكلام
ولما زوجك ينادي الشغالة بدلع اسمها يعني يثير غيرتك
ولما يقولها وش رأيك نطلع نتقضى مع بعض
هنا بس يبغى بيستفزك
هذا مو محترمك ومالها اي تفسير غير كذا
يقدر يثير غيرتها بأي طريقة
لو نيته زي ماتقولو
يروح يدلع امه واخواته ويقهرها فيهم
يمدح مذيعة ولا وحدة من المشاهير اللي مايدرو عنه تنقبل
لكن ياهوو شغالة بالبيت مقابلها معظم الوقت
ولاتقولو اكيد ماحيطالع في شغالة
ليه وين عايشين
ماسمعتو بمصايب الشغالات
ولا سمعتو عن كثير رجال خانو حريمهم مع شغالات
هي لازم توقفه عند حده
التطنيش والتغافل ماينفع
وتكون حكيمة وقوية بنفس الوقت
وتحط حد للمهزلة حقه

معك حق الصراحة من ذا الجانب
عن نفسي لو حصل كذا بطيّرها

وخصوصًا ما تدري يمكن زوجها ينفتن فيها مع الوقت لكن شايفتها تبرر فوق عندي شغل وعندي عمل
ف تخطّيت النقطة هذي

بعدين هي ذي المشكلة تحلّها وتتناقش معاه لأنه مش محرم له من الأساس ف الميانة هذي ما تصلح
الله المستعان تصرّفي وانتبهي

مو صحيح الي يسويه
هاذي قلة حيا
انتي زوجته المفروض يقدرك
ويحترمك
مو يتصرف تصرفات الصبيان