تبارك الله يا حظكم 🌷

كل بنت وهي شايلة مسؤولية ببيت اهلها انتي تحسبين ان حياة البنات وردية وخاليه من المسؤولية ؟؟ مشكلتك انك ابدا مش راضية بحكم ربك لدرجة تحسين النعم الي يعطيش ايها جل جلالة اشياء مش ضرورية على قولتك!!اذا كنتي راضية بحكم ربك ف تأكدي انه بيرضيك اما انك اذا ما تحقق لك شي بسرعة قلتي ليش ربي ما اعطاني والنعم الي يعطيني ايها مش ضرورية ! بتصير حياتش اسوء من كذا وحتى لو تحققت اهدافك وكنتي في راحة عظيمة ما بتتهنين فيهن .

لما قلت اني متحملة مسؤولية كان ردي على وحدة تقول الزواج مسوولية ورح تتمنين بيت اهلك
قلت انا عند اهلي مكروفة الله يحفظهم كرف الاهل يمكن اقوى من كرف اللي توها بداية الزواج شدعوة اغسل صحنين ولبستين يوميا وخلاص وارتب ترتيب خفيف ما يتعبني ويمكن ربي يكرمني برجال يجيب لي خدم وحشم وأريّح زيادة 😪

الله يحقق لك كل ما تتمنيه
ويرزقك الزوج الصالح الي يسعد
قلبك

صح .. هاذي اللي تتزوج شخص مو معيل ولا عنده اطفال ..

بس بصراحة انا ماحسيت بفرق كثير بالكرف 😅 .. تزوجت شخص عنده اربع اطفال ومن اول اسبوع وانا مشمرة على ذرعاني .. بالرغم انه اول زواج لي ..

كل شي بالحياه قسمة ونصيب . .

انا ماعندي اخوان .. رضيت بهالزواج وقولت اكيد بجيب لي صبيان يعوضوني فقد الاخ .. وللحين ربي ماكتب .. والحمدلله على كل حال

الله كريم ماينسى احد ..

يا كثر ما تستشهدين بالانبياء
ليتك استشهدتي بشي من قوة صبرهم وتحملهم الاذى
او تشبهتي بقوة ايمانهم بقضاء الله وقدره خيره وشره
او شبهتي نفسك بحجم الرضا والتسليم اللي عندهم لله واللي قسمه لهم
او تعلمتي منهم غض البصر وحفظ الحواس
او تعلمتي منهم الزهد بملذات الدنيا والقناعه
او حتى تعلمتي منهم الادب مع الخالق سبحانه وتعالى والادب عند العسر والابتلاء
والمشكله كل هذي الاشياء قد تكون بعيده عنك وبكل جرأه وثقه تسألين ليش ما يعطيني وحارمني !!
انتي تحتاجين مجهود عشان تفتحين بصيرتك وتشوفين نفسك بمصداقيه بدون تزييف
ما اقول انتي سيئه لا ... لكن شايفه نفسك تستحقين اشياء بس لانك طلبتيها
رب العالمين مو محتاج لك ترسمين له خطه وتحددين له توقيت وطريقه لتحقيق امنياتك حطي هذا الشي في بالك
انتي بكلامك وتعليقاتك اللي قرأتها مثل اللي جالسه تعطي اوامر وطريقه وتبي رب العالمين ينفذها !
اصحي ترى احنا في الحياة الدنيا مو في الجنه
صحيح نطلب الله الافضل والاجمل لان خزائن الله لا تنفذ ولان الله قادر يسخر لنا الاسباب والعباد والظروف عشان يوصلنا لأمره ويحقق لنا طلب لكن بالمقابل هل احنا عملنا بالاسباب وسعينا بهذي الحياه و .... الخ
ترى ما اقصد انك تقدمين مقابل صلاه وصيام ودعاء وعباده عشان يجيك مرادك
المقصود انك تجتازين درس معين بالحياه لان رب العالمين ممكن يبي يهيئك ويجهزك لمرحله قادمه تتطلب منك هذا الشي وما يحتاج افصل فيها لاني كتبت بتعليق سابق وحتى قلت شوفي الموضوع اللي كتبته ممكن يساعدك اذا مهتمه
ترى التذمر والثرثره والتشكي ومراقبة فلانه وعلانه اللي تزوجت وانجبت ماراح يفيدك بشي
ولعلمك كلامك عن شعورك لما تشوفين فلانه ماسكه يد فلان ومن هالسوالف التافهه في مئات والاف المتزوجات اللي شعورهم مثل حالتك متحسرين ومتشفقين على مسكة يد وهدايا ورومانسيه وغزل رغم انهم متزوجااااات
السبب انهم مثلك شغالين مراقبه في الخلق ويتفرجون مقاطع كلها تمثيل وكذب وتذوب قلوبهم ويتحسرون على احوالهم
عشان كذا قلت بكلامي "غض البصر "

الى هنا اتوقف وعقلك براسك
تبين تبقين على حالك تدندنين على وتر المشاعر والخيالات والاوهام برااااحتك
تبين تعزين نفسك وتلتفتين لامور ثانيه بالحياه تطورك وتصقل شخصيتك وتصحح افكارك وتخليك تكونين انضج برضو براااحتك

سلام