امساك الحمل

هلا اختي .
انا صرفوا لي دواء اسمه ( دولكولاكس ) ، حبوب اقراص وليس شراب . ..
ونصيحتي اكثري من شرب المويه وانتبهي لنظامك الغذائي ، مشكلة البعض يكون استفراغ وأكل نشويات وسكريات (يعني نشويات ونقص سوائل) ومع تمدد الرحم وضغط الامعاء والمعدة بيزيد الامساك ..
لهالسبب ابدي العلاج من تعديل نظامك الغذائي . خذي الصباح فاكهة ملينه مع مويه وعصير . خذي مرق باميه وخذي ملوخيه .. احرصي عالأكل اللي يساعدك ..
وبتشوفين النتايج بدري لأن جسمنا يستجيب للأنظمة الغذائية سبحان الله ويستجيب للأدوية ولكل شي مفيد ..
.
عليك ثم عليك بالمويه ..
اهم شي الصباح استفتحي يومك بأكل يساعدك مثل الفواكه والعصيرات وحاولي كم يوم تبعدين عن الخبز والمعجنات . كولي الاكل بالخس بدال الخبز او جيبي لك خبز حبوب اللي معجون بحبوب مو طحين ابيض.
.
باذن الله انه مايصيبك ضرر من الامساك ، استودعتك الله حبيبتي .

ياحبيبتي انتي وصفوف لي اليوم هذا الدواء دلكولاكس ، خذته العصر بس اشوف للحين ما دشيت تكرمين الحمام ذابحني الامساك وصادني تشقق من كثر الامساك ، مشكوره يارب استفيد طمنيني على هذا الدواء متى يمشي البطن من بعد ما اخذه؟؟

الله يشفيك يارب ويقومك بالسلامه كلي برتقال حاجات طبيعية ملينه وربي يطمنك

ما اخذه يوميا لكن يوم اشوف نفسي بحاجة اخذه.
وجربت اخذته باوقات مختلفة مرة الصباح ومرة العصر ولاحظت افضل وقت له الصباح (ومدري للامانه صح علي او لا ) لكن احكي لك عن تجربتي ..

.
صرت اصحى من النوم وافطر فاكهة او خضار ثم اخذ هذا الدوا الملين .. لاني ما احب اخذ ادوية على معدة فاضية .
جربي افطري الصباح على سلطة فواكه بدون نشويات وخبز ثم بعد نص ساعه خوذي هالدوا وباقي ادويتك .
خذيه .. ووقفي نشويات ايقاف تام لأنها تزيد الامساك ..
بعد ساعه من الحبوب افطري مثلا بيض مسلوق مع خس وحطي سلطة و زيتون بزيت زيتون وخذي شوفان وعصير ..

والغدا تغدي باميا او ملوخيه وممكن مع رز ابيض ، لأن الرز ارحم من الخبز .
.
وخلي قدامك قارورة مويه اشربي منها كل شوي .
باذن الله بتشوفين النتيجة قويه وسريعه ..
وقدامك العافية يارب