تجربتي الخامسة بالحقن المجهري

اليوم كان موعدي لتعديل الجرعات مع دكتورتي من خلال اتصالها وتواصلي مع مساعدتها ...بس حبيت اخبركم انه الشي الجميل اليوم ان الدكتوره خبرتني انه اجنتي كانت من اجمل الاجنه اللي انا وصلتلها يعني ماكنت اوصل لهالدرجه وقالت هذا دليل انه مبايضي تستجيب للعلاج والتنشيط وتحسن ملحوظ اعطتني امل جديد

الاجنه كانت درجتها جيده بس مشكلتها انها لما دخلت للف..ح.ص الجيني اعطاهم انه في خلل وماينفع الترجيع ..و جي لازم ابدء جديد وباخذ نصايح البنات وبستمر ودعواتكم حبيباتي

الله يكتب اجرك ويعوضك العوض الجميل من عنده ، ترى عوض الله جميل ياخيتي يجي من دون حساب ..
ابد مانفقد الأمل وربنا الكريم جزل العطايا..
بس عندي سؤال ليش يخلون الاجنة لليوم السابع ؟؟
اي مركز تراجعين؟
تدرين وقت التجميد يجمدون لي باليوم الثالث ، ووقت الارجاع المباشر يرجعون لي بالخامس لانه زيادة عن كذا ممكن تموت الاجنة ..
غريبة تجلسين سبع ايام ، احس باليوم السابع ماراح تقاوم الا الاجنة القوية ..
غبري المركز المرة الجاية وخل يرجعون لك باليوم الثالث وتوكلي على الله وبادن الله تبشرينا ونفرح معك .. ويارب تبشرينا بحمل طبيعي بدون عمليات 🩷

اللهم اميين يارب
انا اراجع في فقيه ابوظبي ..لا هذا هو الطبيعي لرحلة الاجنه وانا اجمد اجنه لانه ماعندي خيار اكثر ..ماراح يرجعونلي لانني اجمع اكثر من جنين فاهمه علي؟
اليوم الثالث مايفحصونه جينيا لازم يوصل للمرحله الاريميه وهي اليوم السابع
وبنت عن بنت تختلف البروتكلات انا عنظي انخفاض شديد بالمخزون وانخفاض بجودة البويضات وعمري مايسمحلي اني اغامر برحلة وحده مع جنين واحد فيبون يضمنون انه عندي احنتياطي ..الحمدلله ع كل حال
مركز فقيه معرووف في الامارات من افضل المراكز بالدوله وباذن الله ماراح يخيبني معاهم

الله يبشرك بما يسرك
عندنا ببعض المراكز الثقه يجمعون ثم يجمدون اليوم الثالث وثم يفكون بشهر الارجاع ويخلونها لليوم الخامس للكشف تطلع النتيجه بالخامس ، الارجاع بالحامس او السادس ممكن ..
سالت الدكتور يقول اقوى للجنين انه نفحصه بوقت الارجاع يعني اقوى له يتجمد اليوم الثالث ومايكون وخز قبل التجميد .. والله اعلم الكل بطريقته واطلب الله لك البشرى السعيده

حبيبتي تسلمين يارب
انا جربوا معاي ع اليوم الخامس فشل وخبروني انه هذا انسبلج
والله ماادري كيف هم يدرسون الوضع وكله تدابير من الله توكلت عليه وانا اسعى واشوف ها ثاني مركز اروحله الله ييسرلي ويحقق لي ولكل وحده تتمنى تكون ام يااارب
والله يسعدج ويقومج بالسلامه يااارب