تجربتي الخامسة بالحقن المجهري

اللهم امييين ..دعواتكم لي جبر خاااطر

رجعت اليوم من عند الدكتوره تقولي بنتم نحاول ع البويضه والبويضتين الحمدلله والله راضيه بس مااخفيكم طوول ماانا في العلاج صراع نفسي استغفرالله واقول الحمدلله وجود بويضات في امل واملي بالله كبير هو المعطي والكريم ..الله يهب لكل محرومه من الضنا ياااررب

شكرا كثيرررر لكم انتوا مساحتي اللي افضفض فيها وكلامكم جبر لخاطري الله يجبر خواطركم ولا يريكم حزن ❤️

اختي جربتي تند الدكتوره نجوان في فيرتيكلينيك؟؟ بوظبي
وايد يمدحونها

سمعت عنها وايد كانت برضو في فقيه قبل لا اروحله بس انا اراجع مع الدكتوره غاده فهيم وايد زينه وفاهمه وضعي حتى حاليا انتهى عقدها في فقيه وانتقلت لبورن هول وقالتلي تعالي واخذي موعد عندي بنكمل هناك حنووونه وعطوفه واهم شي انها ماتحطمني وطبعا مش غلط نسأل اي مكان دكاتره غير حاليا افكر في بنت النور في العين ودي اراجع عندهم بس المسافه بعيده ولكن فعليا افكر هناك ..دعواتج لي

دام مايضبط معها غيري عادي انا 3 تجارب كلها عند دكاتره غير وماضبطت ولما وقفت العلاج شهرين حملت طبيعي بس سبحان الله طلع مريض البيبي ومات بعد الولاده الحمد لله على كل حال
الله يرزقك تؤم ويرزقني ويرزق كل محروم

سبحااان الله ..دامج حملتي هذااا شي مطمئن كثير يااارب لك الحمد ..انا بعد المنشطات الوايد والمحاولات الكثير ٨ مرات وقفت استراحه وخلالها دورتي طالت ماجتني وسويت اختبار منزلي وطلعلي خط بالكاد يبان وبعد يومين رحت سويت فحص دم قالولي مافي حمل وقعدت اتريا دورتي فجتني بس مقطعه ونقط اسبوع واختفت وجتني قبل اسبوعين دوره قويه بعد القرنفل والسمسم قالتلي الطبيبه قبلها يمكن حملتي حمل كيميائي وراح والحين الخطه حجزت موعد في بنت النور وبشوف بعدها شسوي ..امييين الله يستجيب دعواتنا ونبشر بعض عاجلا غير اجل