شاركي في النقاش

سجلي الدخول لإضافة تعليق.

التعليقات

21
  1. @mohmmad_alabdan

    صاحبة الموضوع

    - تفضل يا اخوي
    - قبل ما أجاوبك على أسالتك ... أبي أنبهك لأمور ... يمكنك غافلة عنها ..
    - وش هي ؟؟
    - أولا يا عزيزتي لازم تعرفين شي مهم .... هو إن جميع الظروف الزمانية والمكانية مهيأة لك لبدء مشروعك التجاري ...
    - الزمانية والمكانية .. ؟؟ ممكن توضح أكثر ..
    - نعم ... الزمانية والمكانية ... إنتي الآن في زمن نهضة اقتصادية جبارة ... دورة نشاط اقتصادي تمر بها المنطقة عموما ... وبلدنا الغالية – الله يحفظها من كل مكروه – خصوصاً ... وهذا الشي له أثر فاعل على كافة الأنشطة الاقتصادية ... ومن ضمنها مشروعك اللي راح تبداين فيه ...
    - آآه ... طيب هذه الظروف الزمانية ... والمكانية ... أشلون مهيأة ؟؟
    - أقولك أشلون ... الحين انتي وين عايشة ؟؟ في السعودية ... صح
    - صح ..
    - حلو .. وقلنا لك البلد تمر بطفرة اقتصادية كبيرة ... وهذا يعني ... أن هناك نشاط ... اقتصادي .. حركة بيع ... وشراء ... فيه قوة شرائية ما هي سهلة ... خاصة في المدن الرئيسة ... ومكة والمدينة على وجه الخصوص ... الحين شوفي مكة - الله يعمرها - مثلا ... ... كم معتمر ... وزائر .. وحاج يجونها بالسنة .... ملايين .... وهذيله كلهم يحتاجون ... أكل ... وشرب ... ملابس ... وغسيل ملابس .. وكوي .... عناية صحية ... صيدليات ... مستوصفات ... مسكن ... مركب ... الخ أنشطة إقتصادية بالهبل ...... هذا غير سكانها .... وعشان كذا ... أي دولة تقام فيها مناسبة رياضية مثل كاس العالم أو الأولمبياد تلقين المسئولين والسكان فيها بيموتون من الفرح ..... لأنهم عارفين أن هذه المناسبة راح تجيب لهم .. ناس زوار ... سواح ... جمهور ... وهذيل الناس ... راح ينعشون الحركة الاقتصادية ...
    - آآآه ... كمل ...
    - البلد هذه فيها خير ... لكن الناس لاهين عنه ... ولاة الأمر - الله يحفظهم - ماهم غافلين عن هذا الشي ... وكل الإجراءات والتنظيمات والإصلاحات اللي قاعدة تصير واللي راح تصير ... المقصود منها .... خدمة المواطن ... ورفاهيته ... ودعمه ... وتشجيعه ... لخوض المجال التجاري ... بنفسه ... من غير مايعتمد على غيره .......
    تدرين مين اللي يعرف أن ها البلد .... بلد الخير ... تمام المعرفة ... ؟؟
    - مين ؟؟
    - العمالة ...
    - العمالة ... !!! أي عمالة ...؟؟
    - العمالة اللي في المحلات التجارية ... بكافة أنشطتها ... لأنهم عايشين في السوق .. وكل شي على نظرهم ... وأنا لاحظت هذا الشي أكثر من مرة .... لارحت اقضي لي غرض من أحد هذه المحلات ... كوفي مثلا .. مغسلة ... بنشر ...... الخ ... أسالهم عن الشغل ... والزباين ...... طبعا بطريقة غير مباشرة ... تصدقين عاد ... ما انتهي من غرضي ... وما أدري إلا وواحد من هالعمال وهو جاي لمي .. ويهمس لي .. : صديق ... أنا في يبغى يفتح محل .. أنا إنت .... سوا ... سوا ...!!!


    يتبع ....

تابعي تجارب أخرى من هذا القسم.