حملي العزيز

كيف حالكم ياجميلات ، بعض البنات الموجىدات عارفين سالفتي وعدد مرات حملي وولاداتي المبكرة وموت الأجنه عندي ..
المهم ياحلوات حبيت اسولف لكم شوي اكيد البعض فكرت وش صار ، انا الان تقريبا دخلت للسادس يارب يتمم لي بخير قولوا امين ، دعواتكم لي ..
الحمد لله وضعي استقر لكن عندي مشكلة بالضغط ، الله وكيللكم فجأة ضغطي يرتفع مع العلم اني اخذ ادوية ، وطلبوا مني متابعه كل يوم مرتين وان مانزل لازم اروح لهم مباشرة ..
باذن الله انه خير ..
المهم انه قالوا لي تحسبا واحتياطا بيعطوني ابرة الرئة خوفا من تسمم الحمل ..
قلت وكلت الله أمري راح الصعب وباقي باذن الله الأهون ..
عاد الدكتور يقول لي بحال وضعك تمام تبين قيصري او طبيعي براحتك وانصحك بالطبيعي ، وبيني وبينكم انا محتارة مرة ولله ..بستخير الله ومدري وش الأفضل ، وش رايكم ؟!
جهزت ملابس للنونو يحفظ لي ياه ، ماقدرت يختي الا يوم افتح مواقع او ادخل مكان واشوف ملابس الا والقى نفسي شاريه ههههه..
.
عاد تخيلوا بدخل للسابع ومحد يعرف اني حامل . اقول شكلي بولد باذن الله وبسكت حتى 😂.
دخلوا ضيوف ومسكت بطانية تلحفت فيها ، قالوا وش فيك قلت لا بردانه ، وانا مخبية ولدي .
لاتلوموني ولله ان ماودي لكن الكل قال لي اسكتي الى ماينزل لأرضه .

وبس ❤️