هالحركة قد سويتوها ؟؟ ولا بس انا اسويها !!

صباح الحب ❤️ اخباركم جميعا 🥰


قد شريتوا لبس أصغر من مقاسكم و تورطتوا فيه ؟!
شريت فستان من شهر أو أكثر شوي وقتها كنت تعبانه و وزني ناقص وجاء مقاسي بس بالغصب يتقفل السحاب مقاسه اسمول بس مو صغير يعني كأنه مقاس ١٢
اللي يشوفه يميل للمديم المهم الحين ابي البسه بملكة بنت عمتي والوضع مازال نفس الشي المشكله ماقسته الا اليوم 💔

شفت اختي ما شاء الله مقاسها اكس اسمول تقيس فستان عندها وطلع واسع تقول بكره بتوديه تضيقه قبل مايمشون و قلت يابنت قومي قيسي فستانك اكيد الحين حتى انتي واسع عليك تلحقين الصباح تودينه يتضيق ولما لبسته انصدمت 🫣

مدري البسه ولا آخذ معاي فستان احتياط عندي كم واحد ينفعون لكن كان ودي بذا بالذات
ماتوب اشتري شي أصغر مني واتورط مره شريت لبس كامل اكس اسمول جلس عندي سنه مايدخل اصلا وعطيته اختي في النهاية و جاء ع مقاسها بالضبط

زمان كنت لما اخفف وزني كنت اسوي هذي الحركه واخليها تحدي مثلا البس مقاس ١٤ اشتري ١٢ وبعد شهرين كذا البسه بس الحين شطحت مره وشريت سمول وانا ماقد لبست فستان اسمول اصلا وزني مثالي بس ماني نحيفه يعني اعتبر تمام مره ماميل للنحف مع انه اللي حولي يقولون لي ارجعي زي اول اسمني شوي بس انا مقتنعه بكذا 👌🏻


اول شي عطوني حلول البس غيره ولا اوسعه نقطه اخاف اذا جلست ينفتح السحاب واتورط او اشوف غيره من عندي ماراح اشتري اصلا مافيه وقت
( تذكرت موقف وحده بزواج اختها ٤ مرات السحاب ينفك وتروح الخياط تسويه وترجع ) رحمتها كل الزواج ماشفتها يقولون فستانها خرب
عاد فستانها مره كان جميل ما شاء الله بس مشكلته شوي ضيق من الخصر وكل ماتجلس يخرب

شي ثاني عطوني مواقفكم مع اللبس مثلا شريتوا أصغر من مقاسكم ولا لبستوه وانركن في الدولاب مثل حركاتي او انفرط عليكم سحاب او انقطع الفستان وانتوا بالحفل
( تذكرت اخت زوجي بزواجنا انقطع كل فستانها من تحت وحده حطت رجلها عليه وهي تمشي وانقطع جزء كبير وتنكدت وكلنا نقولها مو مبين كثير مو مصدقه )
كلفها كثير الحين اقولها عدليه حرام كذا ماعاد تلبسينه

56 تعليق 3,773 مشاهدة

شاركي في النقاش

سجلي الدخول لإضافة تعليق.

التعليقات

56
  1. @ghym70

    تلبسينها بالعافية يارب. اخاف تتورطين إذا لبستيه البسي غيره يكون مريح وبتجلسين طول الحفل تفكرين في السحاب😂. دامت أفراحكم يارب
  2. @nonh_108

    مع الاسف ايوة اشتريت فستان اعجبني موديله وانهبلت عالموديل كان ياخذ العقل وكان سعره غالي مورخيص ومالقيت مقاسي واخذت مقاس اصغر مني ونشب في حلقي ولاقدرت البسه
  3. @aaoatf_trky_2

    انا ما اغامر واشتري شي مو على مقاسي
    خاصة الاستايلات اللي تجي تصاميمها ضيقه يعني لازم المقاس يجي مضبوط او اكبر شوي حاجه بسيطه لان الضيق ما ينمزح معاه تقولين ألبسه بالغصب واقفل السحاب ممكن يورطك اذا تحركتي وجلستي مثل ماصار مع قريبتك
    واصلاً ماراح تكونين مرتاحه كذا
    وما انصحك تغامرين في الوقت الضيق خلاص اختاري فستان ثاني لعلها خيره
    وهذا اللي نفسك فيه اذا مو على مقاسك مره حتى وانتي نازله وزن كثير على الاغلب ماراح يجي مضبوط عليك واذا في مجال يتوسع جربي ليش لاء واحتفظي به لمناسبه ثانيه بما ان الوقت ضيق
  4. @amtar_alshtaaa_2

    صاحبة الموضوع
    غيم70
    تلبسينها بالعافية يارب. اخاف تتورطين إذا لبستيه البسي غيره يكون مريح وبتجلسين طول الحفل تفكرين في السحاب😂. دامت أفراحكم يارب
    الله يعافيك ياقلبي لبسته قبل شوي مع مشد وطلع تمام التمام
    بس للاحتياط باخذ واحد ثاني معاي
    صادقه والله لازم انتبه 👌🏻
    رحلتنا باقي عليها كم ساعه يعني اصلا
    مايمديني اعدل شي هنا
    بجده ان شاء الله ع خير
  5. @amtar_alshtaaa_2

    صاحبة الموضوع
    نونه
    مع الاسف ايوة اشتريت فستان اعجبني موديله وانهبلت عالموديل كان ياخذ العقل وكان سعره غالي مورخيص ومالقيت مقاسي واخذت مقاس اصغر مني ونشب في حلقي ولاقدرت البسه
    اذا وزنك زايد انحفي وخليه دافع لك
    انا كذا كنت زمان بس هالمره شطحت
    اصلا ماقد لبست سمول مدري وش صار لي ؟ حتى لما كنت ٥٥ العام كان الاسمول يادوب عليه بس خلاص درس لي آخر مره اشطح كذا
    مع انه بالمشد طلع تمام هو السالفه كانت بس عند الخصر شوي ماسك يعني لازم اكتم نفسي عشان يقفل السحاب قبل المشد هالكلام بس باخذ فستان احتياط

تابعي تجارب أخرى من هذا القسم.