موضوع جداً جداً حساس

تقولك صارت تدخل عليهم
وتقولها ليش؟
ترد حاجه في نفس يعقوب!

بعض الحريم تجيبلك الجلطه
بفهاوتها

اعتبرها اختي، اهلها إلى اليوم مايدرون، وكان يقولي الأشياء هذي، صار كذا صار كذا وهي ولا كأنه. زوجي فيه شهامة لدرجة يدافع عن الكل وبدل الكل في العايلة معروف.

كنت صغيرة تحت العشرين، كيف بيكون عندي سوء ظن!

والآن مافهمتوني، هي مرت من الباب اللي جنب الغرفة ( الغرفة هي اصلاً مجلس مع دورة مياه جنبه وباب مقابله) يعني ٣ ابواب( باب غرفة وباب دورة مياه وباب يطلع على الدرج اللي يطلع على الشقق فوق أو على الشارع) وأم زوجي قامت معها ضدنا أنا وزوجي ليه قفلنا هذا الباب اللي يطلع على الشقق وهي كلمت أم زوجي ليه نقفل الباب ونقول خصوصية وبناتها يبغون يصعدون وينزلون ويدخلون منه. الباقي من أهل البيت وحتى حماي الثاني وزوجته احترموا هالشي وصاروا يدخلون ويطلعون من باب الحوش الأساسي مهو هذا اللي يطلع على الشقق. وكبر الموضوع بين زوجي وامه وامه فتحت هذا الباب اللي جنبنا اللي يطلع على الشقق فوق وشالت عنا المفتاح!
انا انهرت وكلمت زوجي وكلمت لأول مرة في حياتي ابوه وللأسف ابوه ماعمل شي. وأم زوجي بقت مصرة على موقفها وأنا تركت لهم البيت ورحت بيت ابوي! وهذي المرة زوجي أيدني لأن أمه وزوجة اخوه هذي جننوني وماخلوا فيها خصوصية!

انا اتوقع انها كانت حاسدك و تراسل زوجك تبغاه يتزوجها وكانو على علاقه مع بعض بس زوجك يبغاها تسليه معها مايبغاها زواج ويتعذرون انه ينصحها 😂
الحل فتشي جوال زوجك شوفي للحين معها ولا لا
واذا معها للحين ما اوصيك علمي زوجها واهله ولاتقولين اخاف يتزوجها مستحيل يتزوج طليقه اخوه قدام اهله وما اخذها وهي بنت بياخذها الحين

بناء على مواضيعك السابقه احس انك انسانه كثيرة الشكوى والتذمر على اللي يستاهل واللي ما يستاهل
وقلناها لك من قبل السكن مع اهل الزوج طبيعي جداً يصير فيه خلافات وقيل وقال
وقلنا لك من قبل لا تكثرين الاحتكاك فيهم وخليك في حالك
لكن ما تقدرين وبعد ما اكتفيتي انك متهاوشه مع ام زوجك رحتي لأبو زوجك تشتكين له مدري وش كنتي تحسين فيه ساعتها ولا ايش متوقعه منه يسوي لك !
اللي اشوفه انك انتي وزوجك الدخلاء على هذا السكن العائلي المتكدس فيه الاولاد وزوجاتهم لدرجة ان بعضهم صارو يطلعون ويدخلون من باب وممر ثاني مو عشان ما يضايقونكم ولكن لان جيتكم ضيقت عليهم وما ياخذون راحتهم
يعني بدال ما تفكرين بس بنفسك وبراحتك وخصوصيتك فكري بعد بباقي الاطراف
واذا على الشقه طالما هي ملك للاب وفي بيته فهو حر يعطيها أي ولد من اولاده يسكن فيها
وانتي وزوجك كنتو في مدينه ثانيه يعني طبيعي لما يزوجون الولد اللي موجود عندهم يعطونه الشقه الفاضيه لانها ملك للاب مو ملك لزوجك عشان يسوي نفسه مرتاع ومتفاجيء
اما بخصوص قريبتك انا استغرب انك جالسه تستغربين من تصرفاتها وهي اساساً معروفه عندك من سنوات ان هذي شخصيتها واسلوبها وتفكيرها من زمان مدري وش كنتي تترجين منها ؟!
واستغرب كيف اصلاً دخلتيها في حياة زوجك هالقد لدرجة انها تمون تسولف معاه ويتجرأ انه يمسك جوالها ويحذف اللي بداخله من خصوصيات ويهاوش كأنه اخوها ولا ابوها استغفر الله
ومثل مايقولون الاولين باب يجيك منه الريح سده واستريح ليش مصره تحتكين فيها وتتصادمين وتنبشين وراها وتتشكين من الجفاء وقلة التواصل واذا تواصلتي معاها لطشتيها كلام وما تتقبلين لطشاتها وضعك يحتاج اعادة ضبط لانك انسانه غريبه رغم كل اللي صار لها مع زوجك من طامه كبرى وانتي مسويه انك متفاجئه انها صارت تصدك خاصة بعد ما تزوجت اخو زوجك اللي هتك سترها وفضح بها عندك
اقول بس اعقلي وتعوذي من الشيطان
انتي الحين من ضيقتك على ظروفكم ورجعتكم بلا بيت صرتي مسويه تحديد للكل وتلومين وتتذمرين وهم مساكين مالهم دخل في ظروفكم زوجك مدري ليش ترك وظيفته ورجع من الاساس لكن الخلاصه زوجك هو اللي ملزوم يتحمل المسؤليه ويدبر لك سكن تاخذين خصوصيتك فيه مو اهل زوجك ولا قريبتك مجبوره تغير الباب اللي يدخلون ويخرجون منه عشانك وكلن عقله في راسه
الله يصلح احوالكم