كيف اصبر

أدري مو سهل حبيبتي
ربي يرزقك الزوج الصالح
إدعي الله وإسعي لنفسك وكبري دائرة معارفك و كوني إجتماعيه بس بثقل مو ترمي حالك

الله يرزقك بالزوج الطيب
اقرئي البقرة كل يوم وعددي النيات
وكل ماخلصتي جزء انفثي في المويه
وبعدين رشي عتبة الباب
بإذن الله يفتح عليك وتبشرينا بس استمري

ببساطه تخلي عن الفكرة
اطلقي سراحها
تحرري من قيودها
استسلمي وسلمي الامر خلاص
طول ما انتي متشبثه بالفكره وتركضين وراها وتنتظرينها عمرك ماراح ترتاحين ولا تكونين راضيه
يا ختي عندك حياه طول وعرض فيها عشرات ومئات وآلاف الخيارات والنعم والعطايا استمتعي بها وعيشيها وانغمسي فيها
ليش تاركه كل شي جميل موجود في حياتك ومركزه على الشي الواحد فقط المفقود فيها ؟!
اصحي من غفلتك واطلعي من حالة المسكينه المكسوره المحرومه
افتحي بصيرتك وشوفي جمال حياتك
الله خلقك في هذي الحياه ولك رساله ودور تأدينه فيها
وربما دورك ورسالتك في امور ثانيه ما تتطلب انك تتزوجين وتنجبين حالياً
اعطي لعمرك القدر اللي يستحقه من النضج والوعي والقوة النفسيه والفكريه والعاطفيه
طوري من شخصيتك وانضجي بمشاعرك لا تكونين هشه مايعه اسيرة الانتظار وتاركه كل الخير والنعم اللي ربي منعم بها عليك
تعوذي من الشيطان واصحي يرحم والديك
تعاطفتي وتمسكنتي وتضيعفتي سنين طويله خلاص انفضي عن نفسك هذا الثوب وانطلقي بالحياه بلا زواج بلا هم بلا ضعف
وتأكدي اذا ربي كاتبه ومقدره لك راح يتم وانتي حتى ماتدرين كيف تسهل لكن اذا مو مقدر لك خلاص ارضي بواقعك وحبيه وتقبليه مثل ماهو وعيشي بالجميل اللي فيه والحمدلله والشكر لله على كل خير كتبه لنا .

استمتعي بنفسك وبحياتك حبيبتي
لا تخلين محور حياتك الزواج الحياة فيها أشياء ثانية حلوة نقدر نستمتع فيها عيشي اللحظة بالطول والعرض وابني ذكريات حلوة

الله يرزقك الزوج الصالح