بنات… شفتوا اللي اسمه موفق العنزي؟
قاعد له في التيك توك يسب المرأة ويقلل منها بكل مقطع،
والمشكلة؟ يتكلم وكأنه ينقذ الرجل المسكين من “شرور النساء” 🤡
بعطيكم اختصار لكلامه للي ما شاف مقاطعه:
- يشكك في نوايا كل امرأة تقدم حب أو اهتمام لزوجها،
- يدعو الرجال لتفتيش جوالات زوجاتهم بحجة إنهم ممكن يخونون بأي لحظة،
- من أقواله: “الرجّال ما يجيب ورد، الحرمه هي اللي تجيب له ورد!”
- يستلذ بإهانة المرأة، يضحك وهو يقلل منها، كأنها شي أقل منه،
- والمرأة اللي تشتغل وتكوّن نفسها؟ يقول عنها “مشبوهة وغير صالحة للزواج”!!
- وإذا زوجته مريضة؟ يقول “أنا مو مجبور أعالجها، أرميها عند أهلها”!!!
- والأسوأ؟ صار يجيب أحاديث دينية ويفسّرها على كيفه! واللي يسمعه يحسب كلامه صحيح، وهو يألف من عنده! استغفر الله.
ليش للحين ما سمعنا “تم القبض”؟!
وش الفرق بينه وبين أي شخص يحرّض على الكراهية؟
ليش يُترك له المجال ينشر سمومه؟
الجيل الصغير يشوفه، والبنات والعيال معهم جوالات،
والمقاطع تنتشر بالآلاف… تتوقعون ما يتأثرون؟
وش ذنب بنت صغيرة تسمع إن اللي تشتغل وتكافح “مو صالحة”؟
وش ذنب ولد يسمع إن احترام المرأة ضعف؟!
الوضع موب طبيعي،
وهذا الشخص ما يمثل إلا فكره المتخلف،
بس الصوت العالي، إذا ما انرد عليه، يصير خطر
