مواقفكم مع تطبيقات عاملات التنظيف

السلام عليكم
مثل ماهو واضح بالعنوان
هل هم مضمونات وثقه ومستحيل يصير سرقه ؟
طبعا اقصد اللي تجي بالساعه
انا طلبت وحده وكنت تعبانه واغلب وقتي بغرفتي ومخليتها هي تنظف يعني ماصرت فوق راسها الا بالبدايه والنهايه
وصراحة حبيت تنظيفها
ويوم جت تطلع الا هي ترمي اكياس الزباله قلت لها لا قالت الا انا انزلها مدام وخليتها وانا توترت وش هالاصرار وبنفس الوقت قلت حرص منها ان شاء الله
بس طول الوقت متووووتره وافكر خصوصا انا عندي فوبيا من العاملات مدري ليه 😶‍🌫️
بس قيمتها خمس نجوم على تنظيفها

هل عاملات الشركات مضمونات
لاني اسمع قصص بالعاملات المقيمات تخوف

12 تعليق 691 مشاهدة

شاركي في النقاش

سجلي الدخول لإضافة تعليق.

التعليقات

12
  1. يعني انتي فقدتي شي
    ولا مجرد شكوك
    والزبالة وين جترميها
    يعني ماتخرج الا والسواق يكون وصل
    حتقوله استنى ارمي الزبالة وتفتش فيها
    عالعموم انتي بعد كذا ارفعي اي شي مهم من مكان التنظيف اجهزة ذهب وفلوس ولا غيره
    المال السايب يعلم السرقة
  2. @bnt_slyman_1

    مرة طلبت لي بنتي عاملات فلبينيات غير معروفات بسبب الحاجة ماكان عندي عاملة
    كانت دايم تطلبهن
    لما خلصوا من شغلهم جلسوا أسفل الدرج الأرضي
    وحدة ماسكها معها كيس زبالة من الأكياس السود الكبار شكيت في الأمر لكن ماتجرأت وأخذته منهن خايفه منهن
    ليت قلت لولدي ياخذه منهم
    اتوقع والله أعلم أن فيه شي يمكن ماخذين صابون ومناديل
    ولا معقول يمسكون معهم كيس فيه زبالة..
    ومرة مناسبة زواج لما رحت أخذ عباتي من دولاب العبايات ولا فيه كيس مليان قوارير ماء صحة
    من بيحط القوارير في الدولاب أهل المناسبة مو حاطين شي
  3. @farraa77

    صاحبة الموضوع
    لا للامانه مافقدت شي بس حسيت العاملات لازم نصير فوق راسهم وانا امس حرفيا بالساعات تركتها وخفت من حركتها بس قلت اكتب هنا تطمنوني اذا شركة تكون مضمونه ان شاء الله مااخاف !

    غير اني اخاف من سالفة سحر وهالامور والعياذ بالله الله يحميني ويحمي الجميع يعني سرقه اهون لي
  4. @farraa77

    صاحبة الموضوع
    بنتـ سليمان
    مرة طلبت لي بنتي عاملات فلبينيات غير معروفات بسبب الحاجة ماكان عندي عاملة كانت دايم تطلبهن لما خلصوا من شغلهم جلسوا أسفل الدرج الأرضي وحدة ماسكها معها كيس زبالة من الأكياس السود الكبار شكيت في الأمر لكن ماتجرأت وأخذته منهن خايفه منهن ليت ق…
    شفتي غريبه
    انا ماودي ادخل بسوء ظن
    بس هالمواقف تشكك واحنا اصلا من صغرنا وحنا نسمع عن بلاويهم بس الحاجة 🫠

تابعي تجارب أخرى من هذا القسم.