وش الحل ؟؟

جربني معهم كل شي ومانفع

وخليني أقولك حاجه
ترى إهتمامك الزايد بلي بينهم
ومحاولاتك للصلح وتقريب وجهات
النظر هي الي خلتهم يزيدون فيها
حسوا انهم شي مهم وان الي بينهم
حدث يستحق مساعي الصلح الي تسوينها.

الحين خليك صااااارمه
قولي في وجودي وقدامي
ولا وحده فيكم تقل أدبها
على الثانيه
إحترامًا لي أنا مهو لكم!

بينكم وبين بعض وبعيد عني
لو بغيتوا تتقاتلون طز فيكم
ماهميتوني
لكن بعيد عني تمامًاااا.

طنشي الثنتين ولعد تعيرينهم أي
إهتماااام.
ولو قلوا أدبهم قدامك ازعلي عليهم
الثنتين وقاطعيهم الثنتين
وغلطيهم كلهم
لاتسمحين لأي وحده فيهم تطلع الثانيه هي الغلطانه
قولي كلكم قليلات أدب
وكلكم غلطانات وماعرفت أربيكم
والوحده الحين أكبر مني
معد تتربى
لكن والله لو تقولون حرف قدامي
لحبس كل وحده في غرفتها لين تتأدبون.

لعد تناقشينهم فيما بينهم
نصيييييحه
لأن كل مافتحتي الموضوع بينهم
كل ما استدعيتي مشاعر الزعل وكبر فيما بينهم.
اتركيهمممم .. تجاهليهم

وان بغيتي فزعه ناديني
قسم لوريهم الثنتين😤

الله يسعدك ويسعد تعليقك الي اروع من الرائع وفعلا هذا الي سويته رجعت لتربية امي صراحة وهي الصح كنت ابي اغير افهم كل وحده واخليهم قريبات مني لكن طلع ماينعطون وجه 😂واعطيتهم الي يستحقونه واكثر والحمدلله صارو تمام ومصيرهم يكبرون وينسون وتصير ذكريات مضحكه
الله يصلحهم ويهديهم
❤️

الله ينولك برهم وتفرحين فيهم.
مرحله وتعدي
ويبقون خوات مهما حصل💝

اسلوبك نفس خويتنا الي تتشكى من اخواتها وامها وطلعات الكوفي ووظيفة بالرياض
حطوها بالخلاط تطلع عشرين سالفة

طبيعي يحصل فيه زعل ونفور بين البنات خصوصًا مع اختلاف الشخصيات والعمر
المهم إنك تحاولي تكوني وسيطة بينهم بدون ما تاخذي طرف
وتذكري إن كل وحدة لها وجهة نظرها

المهم صبرك وتفهّمك يساعدهم يرجعون لبعض و صبر الأم شيء لا يوصف ربنا يحفظها لكم ويطول بعمرها