مع أو ضد مفهوم التربية الحديثة⁉️

شفتي توقعتيه مبالغة لأنك ماصدقتيه بس للأسف أنه حصل وبالحرف الواحد

تتكلمين بصيغة الجمع وكأن حياتك الشخصيه مقياس للاجيال السابقه والحاليه ومقياس لكل البشريه
لو كانت التربيه عباره عن 1 + 1 = 2 كان تعممت المعادله على جميع البشر يطبقونها والكل انصلح حاله واختصرنا هذي الدنيا باللي فيها ودايركت على الجنه
وللاسف في كثير يتبعون نفس رأيك ويبررون انه ماضرهم ولا صار لهم شي وبالمقابل في حالات كثير تضررو وتأثرت حياتهم بأكملها بسبب اساسيات التربيه الغير مناسبه اللي اتبعوها ماراح اقول تربيه غلط لكن غير مناسبه للطفل وشخصيته
وصلاح الشخص رزق وتوفيق من الله سبحانه وتعالى لان مثل ما تفضلت اختنا السعوديه ان التربيه مو كلها من الاهل في مؤثرات خارجيه بالمدرسه والجيران والاجتماعات العائليه ومخالطة الناس كلها تضيف للطفل شي جديد

في الاماكن العامة صعب التربيهسواءاً حديثه ولا قديمهلان كل الانظار عليكوالاطفال أذكياء يعرفون انك بموقف محرج ويستخدمونها كورقة ضغط

فلا تلومين اي اهل بالاماكن العامة
الله يعيننا على التربية

أبدا ماقلت مقياس ولكن الحلال بين والحرام بين الغلط غلط لا نحاول نبرر و ترا الأولاد اللي أتكلم عنهم أعمارهم تقريبا ١١ أو ١٢ والثاني حوله كل الأهالي لهم الحق بتربية اولادهم بالطريقة اللي تناسبهم ياعزيزتي ولكن أتكلم عن الأدب والاحترام بغض النظر أنهم في مكان عام بسلامة الناس ولكن أمام الملأ صار هذا كله معناته هذا شي طبيعي عندهم

أبدا والله ما ألومهم ولكن استنكرت الموقف واستغربت انه عادي عندهم