الفلوس تجيب لك كل شي ؟ 💵

احنا في زمن الرأس مالية
الفلوس اليوم صارت كل شـي
بفلوسك تروحين لأفضل المحلات وتشترين كل شي نفسك فيه حتى لو كان سعره غالي
بفلوسك تسافرين أحلى السفرات لأرقى الدول
بفلوسك تخدمك أفضل المستشفيات بدون وجع راس
بفلوسك تحطين عيالك في افخم المدارس 
بفلوسك توفرين لنفسك وللي حولك حياة كريمة بيت وخدم وحشم 
بفلوسك تكونين علاقات اجتماعية والكل يحترمك ويعمل لك حساب

الفلوس مو بس رفاهية حتى راحتك وأمانك يصير أسهل لما يكون عندك 💸
اللي يقول غير كذا
أكيد ما جرب الحياة بهالزمن وعايش ع الخيال
دائمًا عذر الخايب والمنبطح الفلوس وسخ وما تجيب السعادة والله الوسخ عقلك
اللي مايعرف يتصرّف

وش الفايدة عندنا مال وما نقدر تشتري راحة البال ؟؟تأملي في هذا:(1)بالمال تستطيع ان تشتري بيت ، لكنك لاتستطيع ان تشتري وطن.(2) بالمال تستطيع ان تشتري ساعه ، لكنك لاتستطيع ان تشتري وقت.(3) بالمال تستطيع ان تشتري سرير ، لكنك لا تستطيع ان تشتري النوم.(4) بالمال تستطيع ان تشتري كتاب ، لكنك لاتستطيع ان تشتري المعرفه.(5) بالمال تستطيع ان تشتري وضع ، لكنك لاتستطيع ان تشتري الاحترام.(6)بالمال تستطيع ان تشتري دم ، لكنك لاتستطيع ان تشتري الحياه

كنت انتظرك تقولين كلام سلبي عشان اضغط زر المحاضره عليك بس زين ما سويتيها😂
الفلوس نعمه تسهل علينا امور كثير في حياتنا
وواجبنا نحمد الله ونشكره عليها

ما اعرف ليش ربطتي كل تعاسة العالم بالفلوس
هذي من اكبر البرمجات المغلوطه اتجاه المال
مين اقنعك ان المال لازم معاه عسر وضيق وهم وكدر مع ان المال رزق من الله فيه تيسير وتسهيل وتفريج امور كثير وحتى الحياه بالفلوس تصير اكثر راحه
وشفتي التعبير اللي كتبتيه عن راحة البال وحرمان النوم و ... الخ للاسف كلها يعاني منها اللي ماعنده فلوس اللي اثقلته الايجارات وتوفير اساسيات المعيشه اللي تتخطى مقدرته

صحيح المال زينة الحياة الدنيا
بس لازم تكون عندنا قناعه انها ماهي بكل شي
ونجلس نقارن حياتنا بالاغنياء
لاننا راح نتعب لو جلسنا نقارن