السلام عليكم بنات
هذه أول مره أكتب هنا -إن شاء الله مو آخر مره-
سبب كتابتي هنا إني أبيها تكون زي مذكرة لي، وأبي أحذف كل مواقع التواصل الاجتماعي ما عدا اللي أهلي يتواصلون فيها، عشان بقلل من وقت استخدامي.
طبعًا أختكم في الله مبتعثة، وأحس إني تعبت من كل شيء والله يا بنات ما أمزح ما لي خلق أفتح الكتب وأذاكر وأحس حياتي كل مالها تصير أسوء إني تأخرت في المذاكرة للاختبار وللمشاريع والواجبات وفي نفس والوقت والله ما قدرت أقوم أسوي شيء - اللي عندها حل تفيدني- لأن صدق العائلة كلها كانت موقفة في وجه أهلي عشان هذا الموضوع وأحس ما أبي أكسرهم وخصوصًا هم تعنوا عشاني، بس في نفس الوقت فيه شيء كبير ماتمني ومضايقني لدرجة ما ودي أكمل😞
على العموم عساها تكون فاتحة خير علي
شاركي في النقاش
سجلي الدخول لإضافة تعليق.
التعليقات
13- يمكن بالبداية تحسي كذا مع الوقت بتقدري تتأقلمي وتراجعي
اقرأي ادعيه تسهل الحفظ بالتوفيق 💕 - الغربه مو شي سهل لكن طالما اتخذتي هذا القرار فا انتي ان شاء الله قويه وقده
وطالما اهلك معك ومساندينك وش لك في باقي العائله المخمليه البرجوازيه الخشبيه اللي مالها فايده بحياتك طنشي وهمشي رأيهم
لا اكلك ولا شربك ولا مصروفك عليهم يعني ليش تسمحين لنفسك تتأثرين برأيهم وهم الحين كل واحد فيهم عايش حياته بالطول والعرض وسعيد وناسيين موضوعك ولا درو عنك طنشششي
اذا صفيتي ذهنك وروقتي واخذتي نفس عميق شهيق وزفير 10 و 20 و 100 مره راح تروقين وتهدأين ويصير لك مزاج تركزين بدراستك وهدفك اللي تغربتي عشانه
الدراسه شي مؤقت وينتهي بحلوها ومرها ولحظات ضعفها وقوتها راح تصير مجرد ذكرى بعدين
والله اعلم بعد كم سنه كل اللي كانو معارضين سفرك راح تشوفينهم يراكضون يمين ويسار عشان يسفرون بناتهم بعثه والضخكه شاقه الوجه وترى صارت كثييييير يعني انتي اسبقي الاحداث وطنشي لان بالمستقبل راح تشوفينهم هم يتسابقون يسفرون بناتهم وبنات اولادهم واخر همهم رأي عائلتك والناس كلها - احبك عواطف تفكيرك مره يعجبني
- البدايات كذى
بعدين رح تنسجمين وتمشي
أمورك.
ماله علاقه معارضة سفرك من ذولاك الناس بمشاعرك هذي ترى.
بس انت تحاولين تلقين سبب للي انت فيه.
يوم تزوجت سافرت مع زوجي يكمل دراسته
وبعد سنه ونص كان لازم يرجع لأسباب خاصه
وأنا كنت أدرس وصعب أرجع معاه
جلست منحالي تقريبًا ٦ شهور الشهرين الأولى اكتئبت وكنت برجع واترك كل شي لكن صبرت وتحملت ومشت أموري.
اتركي الأفكار السلبيه عنك وركزي في دراستك وطمنينا عنك - شوفي وش الشيء الي تسوينه او طريقة تفكير تفكرين فيها تخليك تفقدين الشغف
وتذكري وش الشيء او الدافع اللي يخليك تكملين
حافظي على صلواتك و الاذكار واجعلي لك ورد من القران تقرين
القرآن يعطي يحي القلوب الميته
مواضيع مشابهة
تابعي تجارب أخرى من هذا القسم.