بعد ماوقفت جمبه وهو باصعب حالاته فجاه اختفى

احنا ما حولناه لاتهام لاكن صراحه استغربت مساعدتك له بالقدر

وبعدين تساعدينه بهالقدر ليش وش تبغين فيه
وفرضنا انتي قلتي انك ساعدتيه مثل اخوك واهو ما انكر هاذا لك واثنا عليك وشكرك وش تبغينه يسوي لك زود
وبعدين ليش تقولين خيانه هو ما خانك ولا وعدك بشي يقول يالييييت له واحده مثلك باختصار مصرف متنقل
واعذريني لو اوجعتك بكلامي لاكن هاذه الحقيقة

لا والله ما اوجعتيني ولا شي كلامك منطقي جدا
بس ايش رايك بالي خطب وحده ويطارد غيرها ويراقب حساباتها حساب حساب وتعليقاته تعليق تعليق
ويكلم امها يسالها عن يومها
ويسوي المستحيلات عشان يكون بمحيطها حتى بدون لاينعزم
وكل مابعدت اكثر وصدته تقرب اكثر واكثر؟!

هذا وش تسمينه!!!

والله العظيم حتى انا مستغربه من نفسي
وقسما بالله ماكنت ادري
ان عطائي مبالغ فيه الا اللحين
بس يمكن عشان امه كانت دايم توصيني عليه
وهي تحبني ودايم تكرمني وتعتبرني بنتها
فكان نوع من رد الجميل
ويمكن عشان اولردي انا مريضه بالعطاء الخايييس المبالغ فيه
اثنينهم اجتمعو علي

بس يلا الواحد مايتعلم ببلاش بالنسبه لي هذا درس العمر والحمدلله اني طلعت منه بسلام

تساؤلاتك هذي تحاولين توصلين بها لجواب يرضيك انه يحبك او مهتم بك
لكن الحقيقه تصرفاته تحتمل جوانب اخرى والكل ذكرها لك بالتعليقات لكنك يمكن لسه مو قادره تقتنعين بها من داخلك من حجم صدمتك بالواقع
ومثل ماقلنا من قبل اللي حصل معك فيه دروس مو درس واحد كوني واعيه لها حتى لمستقبلك مو شرط مع هذا الشخص
وحطي في بالك الرجال تفكيرهم مختلف كلياً عن البنات فلا تبنين مشاعرك واحكامك بناء على مشاعرك الانثويه
الرجال حتى وهو متزوج وعنده اطفال ومتمسك في بيته ومايحب يهدمه لكنه ممكن يستمر بملاحقة بنت بس لانها رفضته وراح احطها لك بين اقواس ( رفضته ) هذي الكلمه تخبصه فوق تحت وتخلي مستوى الكبرياء يصعد للفضاء ويسوي المستحيل عشان يرجع يخليها تميل له عشان هو اللي يرفضها ويرد كرامته ويثأر لرجولته
وطول ما البنت ماشيه معاه مستقيم وميته عليه وتطلب رضاه هو اللي يدعس عليها ويعوفها ويوجع قلبها
فلا تبنين تصوراتك بناء على النقاء اللي فيك لان واضح بعدك على الفطره وسهل التلاعب فيك كوني حذره وواعيه وقدمي العقل والمنطق في اغلب تصرفاتك عشان ما تندمين وقبل كل شي مرري كلامك على الدين والاخلاق لان هذا حزام الامان اللي راح يحميك من الانزلاق في الطريق الغلط