زوجة ثانيه

تصدقي لحين يحذروا من الخطابات اكثرهم نصب حتى قبل لاتبحث عن عريس اقولك ارسلي فلوس قبل تعبت وين اروح...تصدقي مرات احس خايفه من العواقب واقول هذا من الاهل وبنفس الوقت احس من كلامه متكبر علي ........والله حاولت كثير عشان اتزوج بس مافي فايده وهذا المتزوج ذالني هو حسيته خايف من ردة فعل زوجته .......اصلا حتى مافي شي يدل انه يحبني تعبت من التفكير

اصرفي نظر عن هالزواجه يختي
وربك كريم بيخلف عليك بالعوض الجميل
صدقيني إذا بدايتها مذلة نهايتها موجعة

ربي يفرج عليك ويرزقك بالزوج الصالح إلي يستاهلك .

مو اول مره ارد عليك بخصوص مواضيع الزواج وسبق قلت لك " ماذا لو كان غير مقدر لك الزواج " ؟
لكن رجعتي بموضوع جديد تصرين فيه على الزواج ومن رجال غير راغب فيك انتي عرضتي نفسك عليه بعد
هذا الإلحاح اللي في داخلك على الزواج هو اللي مخلي الفكره كبيره ومتضخمه جداً بداخلك لدرجة انك مثل المعميه مو قادره تشوفين الواقع بإتزان وعقل
انسي فكرة الزواج وابحثي لك عن حياة ثانيه فيها انجازات واهداف تشغلين نفسك فيها
تعلمي الرضى والتسليم والقبول لانه بيخليك تشوفين الحياه بنظره اوسع من الضيق اللي انتي حاصره نفسك فيه وكأن الحياه بس واقفه على الزواج وبدونها مالك قيمه ولا فايده لدرجة انك تتنمرين على شكلك وتقللين من نفسك بس لانك ماتزوجتي !!
اما سالفة الخطابات مليون مره نحذر منهم خاصة اللي في الانترنت ماتدرين مين اللي خلف الشاشه ونواياهم واغلبهم نصابين عصابات تستدرج اللي مثلك معميه بصيرتهم ومتلهفين على الزواج ثم يوقعونهم بالفخ ويبتزونهم
واحذري احذري تعارضين ارادة الله وقضائه وقدره لانك انتي اللي راح تاكلين المر
وهذا انتي ركضتي ورا المتزوجين ولما عرفوا اللي حواليك كلهم عايروك وانتي المسكينه تبين تتزوجين عشانهم وعشان كلامهم يعني في كلا الحالتين مو مستفيده شي لا حفظتي كرامتك ولا ماء وجهك
حتى اللي ركضتي وراه وعرضتي نفسك عليه متعالي عليك ومو طايقك
وللاسف انتي غير مدركه ان الرجال فاهمك وعارفك انك ميته على الزواج وانك راميه نفسك عليه لا تفكرينه غبي او متعلق فيك على قولك ترى الرجال ماعندهم هذي المشاعر الانثويه المفرطه خاصة اتجاه وحده اصلاً مايحبها ولا اختارها هي اللي راميه نفسها عليه
وهذي الرميه بحد ذاتها ممكن تحطك في ذل واهانه تندمين عليه ندم شديد لما تصحين من غفلتك
توبي واستغفري عن اللي سويتيه وتذكري انه كما تدين تدان والبيت اللي دخلتي بنصه تخربينه عشان تبنين بيتك راح تدور عليك الايام وينهدم بيتك وتذوقين كسرة القلب
الله يهديك ويرشدك للصواب

هو خطبك ولا لا؟
35 مب صغيرة

لا ماخطبني بس قال لازم يصارح زوجته بالاول عشان يكون عندها علم وقلتله صارحها خلال هذا الشهر ووافق