زوجة ثانيه

من داخلي احس متردده اخاف يتهجموا علي لما يعرفوا وووو...ومن ناحيه ثانيه اخاف تمر السنوات وماحد يجي لانه من انا عمري بالعشرين ماتغير شي الي حولي ينخطبوا وانا لا...وشارفت عالاربعين يعني كأنه انا مامن حقي افرح والله من زمان مستمره على سورة البقرة وماظهر قدامي غير هذا المتزوج شو اسوي.......وبعدين انا ماصارحته انه الحطاب يرفضوني عشان مايعايرني ويسحب علي

كل كلامك غلط في غلط للاسف
وقتك اللي مضى لو استثمرتيه في تطوير نفسك وتنمية شخصيتك وتصحيح افكارك كان افضل بكثير من انك تهدرينه في البحث عن زواج انتي غير مؤهله له .
تقولين ما اهدم بيته الاول طيب وعرض نفسك على رجل متزوج وش يتسمى عمار بيت وتعزيز موده بينهم ولا هدم بيوت ؟
وهل انتي مدركه ان اللي يسويه يعتبر زوج خاين لعاب لانه متزوج ويلعب معاك من ورى زوجته اللي صاينه بيته وعرضه .
والفقر مو عذر ولا حجه لكل اللي جالسه تسوينه بنفسك وبالناس لان عزة النفس والكرامه والاخلاق مالها ثمن هي اساس متجذر في شخصية الانسان المستقيم السوي .
وللاسف انتي مو راضيه تمشين مستقيم راكضه ورا المتزوجين متأمله انك تجذبين واحد منهم ويقبل يتزوجك رغم انك بنفسك معترفه انه يتعامل معاك بإزدراء وتقليل ومتعالي عليك لانك للاسف انتي اللي ارخصتي نفسك تحت رجوله وبنفسك قلتي له راضيه فيه حتى لو يحطك بغرفه المهم يقبل يتزوجك يعني فوق ما انك راميه نفسك عليه بعد مرخصه نفسك ومضيعه حقوقك الشرعيه اللي رب العالمين كفلها لك كرامة لك اللي هو توفير المسكن .
والشي الثاني تقولين اولاده مثل اولادي ضحكتيني والله ليش متخيله اولاده راح يتقبلونك وانتي ماخذه مكان امهم اللي يشوفونها كل يوم تتدمر وتنهار بسببك ترى ماراح يقولون ابوهم السبب بيقولون انتي السبب وراح تكونين مكروهه
وارجع اقول انا مو ضد الزواج من متزوج او معدد وكلنا نعرف حكمه الشرعي لكن اللي انتي تسوينه غلط لانك اساساً جالسه تحاولين تغوين رجال محصن وعنده بيت واطفال ومستقر ، يعني الرجال مو هو اللي محتاج يعدد لاسباب وجاي لك من باب بيتكم امام الله وخلقه .. انتي وياه بالسر خونه للاسف واللي يبنى على غلط يكون غلط
ورب العالمين راح ينصف المسكينه الاولى اللي زوجها خاينها وهي غافله ماتدري والطامه الكبرى ان الخيانه مع وحده من الاقارب
ختاماً انا ما احتاج تبرير او عذر انا مجرد وحده غريبه اناقش مشكله بحياد حسب اللي اشوفه وطبعاً كلامي مجرد رأي شخصي يحتمل الصواب والغلط
لكن اسألي الله دايماً وادعيه ان يرشدك للصواب في جميع امورك ويدلك على الحق ويثبتك عليه وان يعوضك خير عن كل اللي مضى بحياتك

لا تيأسين وايش يعني يتيمه هذي ماتعيبك حبيبتي اكبر غلط ان توافقين عشان يأستي مايبطي السيل الا من كبره تفائلي
+اذا قررتي تاخذينه انتي عارفه انك راح تكوني مع رجل مأسس بيت وفي ذمته زوجته يعني ماراح تصيرين له لحالك +عياله ووقته وحقوقهم له وعليه قادره على هذا كله ؟ البدايات ترا سهله وعسل لاتغرك
انا مااحاول اقنعك بس اذكرك
اذا انتي قادره الله يوفقك ويكتب لك اللي فيه الخير

خلاص ليه تقولين لنا دام ما طق بابكم
بس يطق الباب لكل حادث حديث

شدني عبارتك: وقتك الي مضى لو استثمرتيه في تطوير نفسك وتنمية شخصيتك وتصحيح افكارك.
يمكن امها وابوها صاكين عليها ومانعينها من التسجيل في دورات ومعاهد
يمكن مجتمعها مب حق تطوير ولا حق تنمية شخصية ولا غيرها، بس سوالف اجتماعية وسفريات ومطاعم وكافيهات
وبعدين تقول لك عمرها 35 يعني انت متوقعة يجيها اعزب! خلنا صريحين