تلاحظون؟

صباح الخير والسهر
والنوم الي إنحاش ومعد رجع😮‍💨

تصير مشاكل بين الناس وهذا مو غريب
الغريب إن بعض الناس إذا زعلت
من شخص ظلمك قالوا لا تشيل بقلبك
وبادر بالصلح!

وإذا استمر الجرح قالوا انسى وسامح!

وإذا مرض الظالم أو مات
قالوا حلله وسامحه!!!!

طيب ليه ما كان فيه نفس
الحرص على الصلح وهو عايش!!

ليه ما أحد وقفه عند ظلمه
وقال له اعتذر
وجبر الخاطر ورد الحقوق!

دايم يطالبون المظلوم
إنه يتجاوز !!
لكن نادر يطالبون الظالم
إنه يصلح اللي أفسده.

التسامح شيء جميل
لكن مو من حق أحد يفرضه
على شخص انجرح
أو يلومه على ألم سببه غيره!

يمكن لأن الظالم ساعات يكون أب أو أم!
أو يمكن لأنه يكون إنسان سليط سيء
فيتجنبونه!

مدري!! لكن دام اخترتوا السكوت
فكملوا السكووووت.

26 تعليق 3,617 مشاهدة

شاركي في النقاش

سجلي الدخول لإضافة تعليق.

التعليقات

26
  1. ضعيفين الشخصية وجودهم مشكلة ... عددهم كبير وما احد يوقفهم عند حدهم والله اخاف يجي زمن يسمون المظلوم ظالم والظالم مظلوم
    والباطل حق والحق باطل بس لأنهم خايفين على نفسهم
  2. @aaoatf_trky_2

    العفو عند المقدره
    يعني محد يقدر يجبر احد انه يسامح ويعفو طالما هو لسه مايقدر
    واشوف ان طلب الناس من المظلوم انه يسامح لانه في الغالب هو اللي يفتح المجال للآخرين بالاخذ والرد في مظلمته ببساطه لانه يكثر الكلام عند الناس عن مظلمته
    بينما الظالم تجاوز الموقف وعاش وكمل حياته طبيعي لا يشتكي لا يتذمر عند احد يعني محد يدري باللي صار عشان يتدخل
    وطبعاً ما نعمم هذا الكلام على الجميع لان في ناس لسه تتقي الله وتعرف حدوده وممكن اذا عرفوا ان فلان ظالم ينصحونه ويذكرونه مثل ما ينصحون المظلوم يهون على نفسه ويفوض هذا الحمل الى ربه
    وبالنسبه لي اشوف ان اللي يحاول يهذب نفسه ويعودها على التسامح والعفو ويكمل حياته وما يوقفها عند ظلم سبحان الله تلاقين حقه يرجع له ويشوف النصر سريع بعكس اللي يتمسك بمظلمته بطريقه سلبيه لدرجة انه ممكن يعتدي بالدعاء والنميمه ونشر الفتنه و يتحول من مظلوم الى ظالم لنفسه ولغيره تطول به المده ويشوف اللي ظلمه ربي يرزقه ويعلي شأنه وهو حاله واقف ومتعطل
    واذا فكرنا فيها والله مافي شي يستاهل هي دنيا فانيه
    وارجع اقول العفو عند المقدره محد مجبر يسامح وهو يتألم ومتضرر لكن لازم يتجاوز ويفوض الامر لله ويكمل حياته وحقه محفوظ بالدنيا والاخره
  3. @vilotaoxo

    هم كذا الناس يمتحنون المظلوم سامح سامح طيب والحبيب الظالم وشبكم سكتوا عنه! 😂
    البشر غريبين والله
    ماعلينا الحين كيف نسوي مع النوم المفقع ذا😩
  4. @hihiop

    هذا اذا جينا نتكلم عن ناس طبيعين
    انا اللي اعرفهم كلهم مظلومين ومافي ظالم مدري مين اللي يظلم يمكن جني.
    النفس البشرية مجبولة ع الخير والشر بطبيعتها واحيانا الانسان مايقدر يدفع عن نفسه الظلم ويمكن اللي حوله نفس الشيء…
    عندنا اللي في الحروب مثلا مايقدرو يدفعو عن نفسهم الظلم والجرائم والقتل وكثير هي الامثلة …
    فاحيانا يحتاج الانسان انه يكون له انصار لقضيته ومؤيدين اذا هو بدون ناصر ولامعين.. واذا ماوجد عليه يصبر ع الاذى احيانا يجي الانفراج من نفسه وهذا نادر جدا وممكن بعد صبر جدا طويل كموت الظالم او مرضه او انتقاله لبيئة اخرى ..
    دنيا القوي فيها حكم خان المبادئ والقيم لو يدري ان الله وراه مايوم في عمره ظلم ..
    بيسامحه لان مابيستفيد شيء من حمل الضغاىن في قلبه لان الانسان بطبيعته خطاء وخير الخطائين التوابين والانسان اللي يظلم الناس هو في الحقيقة ظالم لنفسه وهو مايدري فجزاء سيئة سيئة مثلها بيكون الله يسلط عليه ناس ياذوه مثل ماهو يؤذي .
    انا بالنسبة لي اكثر انسان اشفق عليه هو اللي اذاني واللي يؤذيني لان عارفة وش يصير فيه لو بعد حين يمكن احيانا مايقدر الانسان يدفع عن نفسه الظلم كفرد في مواجهة جماعة حوله لانه واحد لكن نتفائل رغم الصعاب الله يقول كم فئة قليل غلبت فئة كثيرة وهو على كل شيء قدير ومن يتقي الله يجعل له مخرجا … الله يجعل لنا مخرج من القوم الظالمين ..

تابعي تجارب أخرى من هذا القسم.