تعطينها وترجعين تدفعين عشان تفتشين الي أعطيتيها!

السلام عليكم ورحمة الله وبركاته

بعض العوائل كل شوي يعطون
شغالاتهم الزائد من الملابس
لين يصير عند الشغاله ٣ أو ٤
أو حتى شنطه وحده مليانه من ملابسهم.

ولما تجي الشغاله تسافر
يجيبون مفتشه تفتش كل شنطه
بما لايقل عن ٢٠٠ لكل وحده!

طيب ليش من الأساس تعطونها
ملابسكم القديمه الي تصير مخبأ
سري ومخيف لكل مسروقات
بعض الشغالات!

الذكيه الي ماتعطي شغالتها
أي شي من عندها ولما تجي تسافر
الشغاله توديها قبل تسافر
بيومين للسوق..
أو تطلب طلبيتها وما تسلمها
لها إلا قبل تسافر العامله بيوم واحد
وتخليها ترتبها بشنطه جديده تمامًا ..
وتقفلها وتوديها للسياره أو أي مكان ما تجيه الشغاله.

وتطلع للشغاله غيار كامل
ولما تجي الشغاله تمشي تخليها تنزل
كل لبسها الي عليها وتعطيها ملابسها الجديده وتخليها تلبسها.

ممكن لو فيه شك تجيب مفتشه تفتش الشغاله تفتيش ذاتي فقط.
لكن شنط وملابس أكوام ليييييش؟

شمبو معجون كريمات قديمه ما فيه..ع الزباله .

الي خلاني أكتب كذى زميله لي اليوم
تكلم مفتشه وتسألها كم شنطه قالتلها
٤ شناط غير الشغاله..
قالتلها بألف ريال!
ألف ريال عشان تفتش ملابس كان ممكن
تتصدق فيها للجمعيه بكل سهوله .
استغربت من تصرفها مره.