تعطينها وترجعين تدفعين عشان تفتشين الي أعطيتيها!

أتفق معك كلامك مية المية

غريب موضوع التفتيش لأن التفتيش يكون بإذن من النيابة وبتم بموظف يحمل صفة مأمور الضبط القضائي.
ما فهمت يا غادة الي يفتشون عندكم يتبعوا الداخلية أو شركات أمنية خاصة؟

مفتشات خاصات مالهم صفه رسميه
ودايم يستعينون فيهم البعض خصوصًا لما يفقدون أشياء ثمينه.
وبالفعل نسمه يلقون معهم بلاوي
ومخبينها بطرق ماتخطر على البال

مبالغ كبيره وذهب والماسات وجوالات
وشواحن
وصور وأضافر وشعر وشي ماتتوقعينه.

قبل فتره شفت مقطع واحد يصور شنطه ويقول شغالتنا سافرت معها ٦ شناط وهذي الشنطه نستها أو صار خطأ من المطار ما شحنوها.
وفتحوها لو شفتي وش حصلوا فيها ما تصدقين.

في المطار يفتشون ولكن معو بدقة البيت.

هذي تجي ياعطوفه تجلس معك سنتين وثلاث وأربع
يعني تصير من أهل البيت
وما تظهرلك إلا الجانب الجميل من شخصيتها.
صعب مرررره نجلس نقفل كل شوي
الواحد ينسى..يتعب..
فيه خزنه أحط فيها المجوهرات
لكن حتى هي ساعات انسى اقفلها.
وساعات ما أدخل فيها الساعه أو الطقم الؤ لبسته في عزيمه مثلا.
وساعات تحطين ساعتك أو خاتمك على طاوله جنبك وانت تتفرجين ع التلفزيون مثلا وتنسينها.
مهو كل شي ثمين دايم في الخزنه.
حتى لو حرصتي انت باقي العائله ما بتحرص زيك.
يعني نعيش بشكل طبيعي
وهي نعتبرها منا وفينا ونتعايش معها وأغلبهم فعلا أمينات وترتاحين معهم.

ممكن أقفل عن وحده جايه يوم وماشيه
لكن جالسه معك سنين ..مستحيل.
.

الفكره لاتعطينها لبس من عندك ولاتشتري شي إلا قبل تسافر .

العاملات يافرح صاروا ضروره من ضرورات الحياه.
البيوت كبيره
والمناسبات كثيره
وعلى مستوى العائله حتى معد صار ممكن إجتماعهم على الوجبه بكم إختلاف ساعات العمل
الأم موظفه وما تقدر تنظف وتطبخ
بعض الناس عندهم كبير سن
أو شخص مريض فيحتاجون وجودهم

يعني هي مهي ترف أبدًا
لكن لازم من الإنتباه وحسن الإختيار
وحسن الظن فيهم.
أكثرهم والله طيبات وتصير من أهل البيت ونتعايش معها
ونسولف ونضحك معها.
آدمي عادي عايش معك.
لكن الي لابد منه الكميرات
مطبخي فيه كميرتين
الصالات فيها
غرف النوم فيها كميرات وهميه ما تفرقينها عن الحقيقيه.
حتى الملاحق برى فيها كميرات ومربوطه بجوالي
وهم عارفين انهم مراقبين في كل شي يسوونه.