موضة اعتزل مايؤذيك

قال صلى الله عليه وسلم

المؤمن الذي يخالط الناس ويصبر على أذاهم أعظم أجرًا من المؤمن الذي لا يخالط الناس ولا يصبر على أذاهم».

يعني عدم قطع العلاقات أولى من قطعها إذا إستطاع الشخص الصبر.
وإذا كان في الإعتزال قطيعة رحم فالصبر أولى.

حاليًا إعتزل مايؤذيك هي الخيار الأسهل لأسباب كثيره منها فتور العلاقات الي يحكمها الصله والحلال والحرام
معد فيه إحساس قوي أو خوف من القطيعه
وقل صبر الناس وطولة بالهم للأسف.

أنا مع الصبر الي مافيه ضرر على الشخص
أما لو فيه علاقه مؤذيه فقطعها أولى أكيد

كلامك صحيح حبيبتي
لازم نوصلهم ونودهم ونصبر على أذاهم وأهم شي ربي يوصلنا

معلش بس إذا كان الاذى بسيط اوك كلنا عندنا ناس زي كذا بحياتنا لكن
والله والله
ان في ناس مايثمر فيهم معروف ولا يتقدرون
اتخيلي انك تصرفي على احد سواء أخ واخت أو من الاقارب بشكل عام وتجلسينه فبيتك وإذا أكلتي أكلتيه معك
ويقوم يحسدك وأنتي وضعك المادي سيء ويعقد يطالع ب احتقار لما تشكي وضعك ويقولك طلعي الفلوس المتخبية
لا شين وقوي عين ولا تخيلي احد ساكن فبيتك ويفرق بينك وبين زوجك بزرع الفتنه ويطلع طراطيش علوم بينك وبينه ويزرع الشك بينكم
والله ان هالاشكال حتى القطاعه قليله بحقهم
حتى أنهم يشوهون صورتك أمام الناس ويطلعون اسرار بيتك ومشاكلك وفرحك وحزنك
ويخلوك مسخره
الي كذا القطعة حلال
لأنك ماتقطع بالأصل ان قاعد تامن شره وتبعد عن المشاكل
الله يبعدهم عني وعنكم الي كذا وهذي مواقف حقيقه وشفتها بعيني مع أشخاص

حبيبتي ماشاء الله بارك الرحمن انت مأجورة وأجرك عظيم عند الله
بس ان ضروك وصلهم بالرسائل او اتصال كلمة ورد غطاها كيفك ياخوي عساك طيب ، ومشي الأمور ياعمري بدون قطيعة
الله يبلغك أعلى مراتب الجنة
تصدقين صار لي ظرف قوي وفيه يشمتون في وجهي حتى قلبي انكسر وأوصلهم مو لسواد عيونهم لا لا ، اوصلهم عشان رضا رب العالمين والصلة قصيرة جدا مثل رسالة او زيارات خفيفة بينها فترات زمنية

مشكورة على المشاركة 🌺
الأرحام لا تقطع إذا هم يسببون لك مشاكل لا تزرهم
يكفي الإتصال عليهم بالهاتف
من فتوى المشايخ