بحب طفولتي كتير
كنت اجي عالسعودية بالعطلة الصيفية وبس تبدا المدارس برجع بدرس بسوريا طبعا درست بس الابتدائي هناك بعدها بلش الحرب وجيت عالسعودية كملت دراستي هون وماسافرت من وقتها كنت عايشة بقرية للاسف مافيها تطور ابدا يعني ب٢٠١٠ كنا ندرس بمدارس تستخدم سبورة الخشب وطباشير بتزكر البنت يلي كانت تجي الانسة تخبي الطباشير معها هي كانو مستلمه مهمه كتير كبيرةولما بتعطيها دفتر الحضور وتدور عالصفوف عشان الانسات والاساتذة يوقعو حضورهم بتفوت عالصف كانها مبعوث من الامم المتحدة 🤭
بتزكر لما كنا صف سادس انسة الرسم عملت النا فعالية معرض رسم
واحد من الصفوف ماضي قمنا كل طالب و طالبة جاب رسمه او عمل يدوي هو مشتغله وحطيناه بهذا المعرض واخر يوم دراسي اجا كم شخص من التوجيه وكرموا الطلاب الفايزين كنت انا وحدة من هالطلاب اعطوني هديتي شهادة شكر و علبة هندسة😁
قبل سنه اجاني رقم غريب لما رديت طلعت وحدة من صديقاتي بالصف اخدت رقمي من بنت خالي قال بس انا من الشلة كانت مقطوعه اخباري ودخلتني قروب بنات الصف بحكم انو نحنا من قرى و عشائر متشددة ممنوع البنت تروح تسكن لحالها بالمدينة وتكمل دراسة للاسف بس ٣ منهم كملو دراسة الجامعه لانو اساسا اهلهم انتقلو للمدينة والباقي كلنا تزوجنا وصار عندنا اولاد كلهم كملو دراستهم الاعدادية مع بعض بس انا وبنتين كنا برا البلد احيانا بيحكوا مواقف بحس حالي غريبة بينهم بتمنى لو كنت مكملة معهم بس للظروف احكام
لم نكن نعلم أنه الوداع الأخير❤️🩹
متابعة النقاش، صفحة 9