هلا يا بنات..........دورة التريكو بدأت ..........

حمد لله على السلامة يا ابلتنا وربنا ما يكركبلك حال تانى والف سلامة على ياسمينا

حمد الله على السلامه يا مودى نورتى -
ألف سلامه على ياسمينا ربنا يشفيها بإذن الله
بصراحه إنتى جيتى فى الوقت المناسب أنا وصلت لل 18.5 سم وكنت هستنى الفرج
شرحك جميل جدا جدا لكن معلش عندى استفسار تانى استحملينى
(هل أنا هشتغل نصف الغرز المقلوبه معا يعنى اشتغل غرزتين مقلوب واسيب اتنين مقلوب وبعد ما اشتغل صفين اشتغل نصفهم التانى (المتبقيه) ولا إيه المقصود بالمتبقيه؟
:heart: :heart::heart:

السلام عليكم
ازيك يا مودي حمد الله على سلامتك و على سلامه ياسمينا
يالا بقى احنا مستنين الحاجات الحلوة بتعتك
على فكرة انا الحمد لله قدرت اشتغل على الابرة الدائرية
انا مش قلتلك انا وراها وراها
بس انا بستاذنك اقول للبنات الي صعب عليها الشغل بالابرة الدائريه انا فهمتها و عرفت اشتغل عليها ازاي
و شكرا على ذوقك و سعة صدرك

1- اشتغلى الغرز عادي خالص زي ما مودي علمتنا



2- اسحبى الابرة ونزلي الغرز على السلك






3-لو الابرة بتاعتك سلكها طويل زي الي في الصورة اسحبي السلك من بين الغرز



4-وانقلي الغرز جزء على الابرى اليمين و جزء على الابرة الشمال




يتبع..............

5- نيجي بقه لاهم جزء و هو ازاى نجعل الشغل مغلق
اولا الابرة التى تحتوي على الغرزة الاخيرة توضع في اليد اليمنى (الابرة الخضراء) و الابرة التي تحتوي على الغرزة الاولى توضع في اليد اليسرى(الابرة الزرقاء)



6- ننقل الغرزة التي تحتوي على النقطة الزرقاء من الابرة الزرقاء الى الابرة الخضراء



7- ننقل الغرزة التي تحتوي على النقطة الخضراء من الابرة الخضراء الى الابرة الزرقاء


8-نسحب الابرة الخضراء و ننزل الغرز على السلك


يتبع...........

بعد ما نزلنا الغرز من الابره الخضراء الي السلك نبتدي نشتغل عادي خالص خالص كاننا بنشتغل على الابر العادية . و كل كام غرزة نشتغلها ننزلها من الابره الخضراء للسلك و نشد السلك ونطلع غرز للابرة الزرقاء ونشتغل عادي خالص وهكذا.....
و متنسوش تضعوا علامة لمعرفة بداية الشغل انا حطيت دبوس ( الي كان عندي :) )



ياريت يا بنات يكون الشغل بالابرة الدائرية بعد كده سهل
و متنسوش ترجعوا لشرح مودي في الابرة الدائرية في ورشة العمل حيساعدكو كتير اوي زي ما ساعدني
وشكرا ليكي مرة تانية يا مودي
و تصبحوا على خير:26: