بنات تعبت من زوجي الله يرضى عليكم ساعدوني

اختي ام ملاك15 مشكوره حبيبتي واللحين اهو يتصل وآنه مارد عليه إلا بالمسجات إذا الامر ضروري
والوالد قال لي إذا لج معزه ويبييج بيي يتفاهم معاي
مع العلم ان قبل لاروح بيتنا اهوه قال لي روحي وآنه خلاص مابيج يعني يبي يطلق
واللحين قاعد يطرش مسجات ويقول الي قلته مجرد كلام وماكنت آقصد واصلا ماقدر على بعادج
بس مهما كان آنه انسانه ولي مشاعر

اذا اردت ان تعيشي بسعادة وراحة سلمي الامر لابوكي ولا تضعفي اذا قال لك ابوك ابقي حتى يتعهد بان يعاملك المعاملة الحسنة
فكل الازواج تقريبا يفحصو زوجاتهم هل تتحمل الاهانة ام لا وكيف شخصيتها ببداية الزواج
اريه بهذه الفترة انك انسانة ولك حقوق وكرامة حتى تمشي الحياة بسلام لانك صغيرة والحياة طويلة اذا تنازلن عن حقوقك ستبقي عمرك كله بحزن

يعطيك العافيه اختي لاللكائبه
اهو من امس يطرش مسجات ان خل نحل الامور ومالنا بد من بعض
لكن مستحيل آروح معاه لأن كل مره يقول نفس الكلام
بقعد في بيت ابوي كمن يوم وإذا يبيني عنده الوالد
مشكوره اختي وماقصرتي

اول شي اوصيك بالدعاء ثم الدعاء ثم الدعاء و بعدين خلي الراي حق ابوك ولاتردين علي اي اتصال لين ما يجي يكلم ابوك ويعتذر رسميا من الوالد ومنك.لازم تحافظين علي كرامتك بس مو نفس طريقته يعني الفاظ تكسر شانك.و بعد ما رجعتي حق زوجك راجعي طريقه تعاملك معاه ادرسي شخصيه زوجك اكثر و شوفي شنو اللي ناقصه من طرفك انتي و في مواضيع واجد في المنتدي ممنك تاخذين منهم اشياء مفيده ولا تتعبين حالك تري الدنيا وما فيها ما تسوي شي و الناس كلها في حياتهم في مشاكل بس كل واحد غير عن الثاني و خصوصا في اول الزواج هاالمشاكل كثيره لان الزوجين ما يعرفون شنو هي مسئولياتهم تجاه بعض و شنو هو الحب الحقيقي و بعد مرور الوقت يتعلمون و طولي بالك ربنا رئوف ما ينسانا.

خلي ابوكي يتولى الموضوع بس هالمرة .. ويتكلم معاه بالطيب .. وارجعي معاه .. لو عادها ثاني كبري الموضوع من جد ... انا اشوف هالحل احسن شي