شاركي في النقاش

سجلي الدخول لإضافة تعليق.

التعليقات

11
  1. اهم شي خفيفه عشان تقدرين تنقلينها معك بسهوله وبعد سهله الدف
    وممكن فكها و سهل تنظيف اجزاءها كلها لا تفشلك وتقرفك ولونها ما يكون فاتح لا تتبقع
    وعلشان زوجك ما يخليك غصب تستغنين عنها لازم تكون صغيره لما تتسكر
    ويكون تسكيرها سهل
    اشوفها ضروريه مرررررره في كل مكان حتى في السفر و الاستراحات والمستشفيات
    الخفيفه اللي عند مذركير حلوه وعمليه

    انا اخذت من شيكو قبل 5 سنوات اظن ب1700
    عمليه اغسلها في الغساله وتتسكر زي العصا وفيها مستويات اقل واحد للمولود
    كرفتها كررررررف عيالي الاثنين يجلسون فيها سوا المولود نايم والكبير جالس على طرفها
    وما تغير فيها غير ولدي الله يصلحه شال كل الستيكرات اللي عليها
    بس تدرين صار ودي تخرب لان شكلها صار قديم وشفت موديلات تجنن
    اعجبتني عربيه مع وحده في المستشفى<<< حرمه ما تنعطى وجه

    لو كنتي تبين اسعار معقوله تلقين في محلات الالعاب
    شفت نفس حركات حقتي بالضبط في محل العاب بس شكلها مب حلو
  2. صاحبة الموضوع
    الاخت رغد
    شكرا لك وتسلمين حبيبتي لكن انا مو مهم عندي السعر انا بس ودي اعرف وش الاشياء اللي المفروض ابحث عنها في العربة مثلا امس انا شفت وحده اعجبتي مع انها غريبه شوي كفراتها كبار وثلاث بس وسعرها اضن الف وشي لكن اللي اعجبني هو انه البيبي يكون اتجاهه لك مو لقدام وصراحة هذا ريحني لاني دئما افكر لو يطيح والا يغص اشوفه لكن ما فيها الا بس مكان للبيبي يعني ما فيه سله ولا مكان ممكن تستخدمينه للشنطه او للاغراض
    شكرا لتواصلك


    اخت دلوعة أبوها

    تسلمين والله لكن انا مشكلتي في البيت اطلع فوق وتحت وطبعا صعبه مع الدرج لكن انا شفت في حدا القنوات دعاية لعربة هي نفسها تصير كرسي للسياره ولما تنزيلنها تصير عربة يعني مو جزئين مثل بعض العربات اللي شفتهم
    زوجي قال دوري عربتين وحده تكون عملية وفيها اماكن للاغراض والثانيه بسيطه زي اللي قالت احد البنات فوق انها زي العصاء نستخدمها في الطياره او في الاماكن المحدوده
    سعدت بتجربتك حبيبتي
    اللهم اشف ابن، ووالدة، ووالد زوج دلوعة ابوها شفاءاً عاجلاً لا يغادر سقما...اللهم آمين


    الاخت غمزة عين
    انا عاجزه عن شكرك لاهتمامك, انا ولدي عمره ثلاث شهور وليس لي تجارب سابقة مع اولاد ولا العربات ونصيحتك على العين والراس
    تدرين وش مشكلتي انا دئما سريعة في اتخاذ القرار واذا ما صلح الخيار اجرب مره ثانيه لكن نتيجة لهذه العادة امتلى بيتي من الاشياء وصرنا نحتاج مستودع ثالث لذا قررت اني ما اسوي شي الا بعد دراسة مستفيضة والعربة هي اول التجارب . ويكفي من هالموضوع تشريفك تسلمين حبيبتي

    الاخت بات مانه
    رائعة انتي بنقلك لتجاربك تسلمين يا عمري وفعلا انا افكر كثير بانها تكون خفيفه ولكن بنفس الوقت ودي تكون مريحه للبيبي وآمنه وصراحة ودي اعرف احد جرب العربة اللي كفراتها كبار زي السيكل وش فايدتهم
    الله يخلي لك عيالك ويمتعهم بالصحة والعافية وفداهم كل عربات الدنيا الله يسعدكم

    الاخت حلى الروح
    يسعدك ربي تأييدك لما نصحن به الاخوات اضاف الكثير لمعلوماتي

    لك كل تحياتي وتشكراتي


    simply
    سعيدة بتشريفكم
  3. @yallh_hyha

    الحين عندي عربيتين استخدمهم ووحده ثالثه مااعجبتني

    وحده اخذتها من سيتي بلازا شركة Graco وهي اللي عباره عن ثلاث قطع
    عربية + كرسي + قاعدة تتركب للكرسي في السيااااره
    وميزتها تتسكر بخطوتين وبيد وحده (احيان اكون شايله بنتي وانا افتحها )
    قيااادتها سهللله وانسيابيه مررره لدرجة اني احيان اكون شايله بنتي على كتفي وادف العربيه بكل سهوله
    فيها سله جدا واسعه من تحت ( مهمه مرره بالنسبه لي )
    فيها عند مكان اللي تمسكينها وتدفين معه مكاانين للاكواب ( مهمه لي لاني اشرب ماء كثير )
    وايضا فيها مكان زي العلبه يتسكر كنت احط فيه الجوال

    استفدت منها كثييير ومن كرسي السياره ولحد الحين احبها واخذها للسوق والطلعات الطويله
    بس عيبها انها كبيره شوي

    والحين شريت ثانيه مثل اللي قالوا عنها البنات من مذر كير لان بنتي عمرها سنه وكبرت وقلت الحوووسه والاغرااض
    ومرتااحه معاها في الطلعات القصيره والتمشي وتسكيرها سهل وفكها سهل واكيد زوجي يحبها لانها خفيفه :)

    وجربت عربيه من mama love بس والله مافيه مقارنه مع عربية مذركير
    علللله فصكتها وفتحتها وقيادتها صعبه ماحبيتها ابد
  4. @smt_almdayn

    مرحبا انصحك تروحين العاب الحسين عندهم اشكال وانواع وبصراحه انا في بنتي الاولى كان عندي وحده فخمه بس كبيره بهذلتني بالروحات والجيات واخذت مكان كبير في السفر وخربت بعد فتره واان لما جبت بنتي الثانيه اشتريت وحده رخيصه من العاب الحسين اهم ميزه فيها انها خفيفه وحجمها صغير ومريحه للبيبي وكمان فيها سله للاغراض وزوجي طبعا مبسوط منها بسبب السعر المناسب والوزن الخفيف ونسيت اقولك ان الممسك حقها يصير ترجعينه من الجنب المقابل فيكون وجه البيبي مواجه لك ... بالتوفيق

تابعي تجارب أخرى من هذا القسم.