يالله حي هالوجيه الشينه والا الزيون يطلعون مانبيهم خخخخخخ>> مسكينه عشان ماتحس بالنقص هع
تراي لحد الان مدري وش ابي ولا وشوله داخله هنا اصلا :biggrin: بس الوكاد ان ودي اهذر .. بس وش عنه ماادري خخخخخخ.. ان شاء الله احاول اجمع شتات فكري وادري وش ابي >> كافي غمضي عن شتات ماتصلح لك
لحظه وش رايكم بذا الصوره!!

باللهي ماودكم تقامزون على ذا الثلج!!
طيب تصدقون انها بشقراء بعد تسبدي وشلخه فؤادي !! والله وتطورتوا يالشقراويين وبتدلون تسوون رجل الثلج وتطلعون حاطين ذا القبعات والشالات وهاتك ياتزلج وفنقسه:biggrin:
لحظه بالله!!
>> تموع اصابعها عند الدفايه :biggrin:
وش ذا البرد الي جانا ياكافي!! تقولون كننا نمشي بفريزر!! و مهما لبدنا وحشينا اعمرانا خلاقين مااااندفا .. الدفايه صايره كنها وليدي هالايام ماغير متحضنتها وياويل احد يلمسها خخخخخخخ
المشكله مانقدر نحلل ذا العطله كل ماقلنا نبي مكان قالوا يحييييييييييك تبون تطلعون في ذا البرد!! الا الله يخليلنا متسانا .. ادني الدفايه اشووه شخفنا البرد >> مهب جدتها الي تحكي ترى :biggrin:
ايييييييييه بس الله يعجل لنا بعطله صيفيه نتبطح ونتسدح فيها على كيف ام امنا ولا بردن يكتفنا ولا خلاقين نزمل لها وان بغينا نجلس مفصخين حتى >> بدت تخور خخخخخخخخ
اجل ذي عطله تكفون!! كلها راحت بالنوم وشذا هههههههه
لا واول اسبوع اختبارات .. وكلن طالب منا شئ نسويه بذ العطله مستكثرينها علينا ذا الشون وقسم انا ننرحم >> دقيقتين وتصيح خلاص
اوووه درعمت ونسيت اعايد عليكم كللللل عاااااام وانتم بخير يارب والى الله اقرب واحب وكل عيد وانتم وحبايبكم بصحه وسلامه وعافيه وان بغيتوا مازولا تراه اخف للكلسترول بعد >> يامصلتس تكفين
والله يرجع حجاجنا بالسلامه ويتقبل منهم ويرجع شغالتنا عاجلا غير اجل ياكريم
وجعلي احج السنه الجايه قولوا امين ويفك اهلي من عقده (( رجلتس يحججتس)) تباً لها من عقده مااكرهها!!
ذا العيد كان غييير شكل عندي ..يمكن عشاني ماشفت ولا نقطه دم>> والله محد قالتس شاخري الى الظهر !!
العاده البابا يصج العالم لازم كل العائله الكريمه تشهد لحظه الذبح وتطشير الدمان ولجلجه الورعان وخياس المصران >> مشروع تحويم تسبود ذا البنت :22:
شكل ماعيفني فاللحم الا ذا المناظر الخلابه!! >> اشك ان هذي حكمه ابوي من تجميع العايله .. يبي يستفرد باللحم هع
نصيحه ياحرمات لا تخلون بزارينكم يتمقلون بعمليه الذبح والا ترى بيعيشون على الدجاج
يوووووه ماانسى نظرات اختي الصغيره وهي تطالع السكين بيد ابوي والخروف صريع عند رجوله ودشداشته خرااااااايط دم!! احس ودها تقوله ياااامجرم بس خايفه ينحرها بذا اللي معه هع
واذا جلست تبي تاكل عفطت خشتها ويوم درت انه هذا هو الي تو ذابحينه قامت مااكلت شئ ياعمري خخخخخ
والى يومكم هذا لحم الخروف ماتاكله .. وسبحان الله البعير ماتخالف به >> على الاقل احسن من خشتس لا ذا ولا ذا
انا صراحه باكون صريحه معكم واقول اني اكتفي بالاندومي بعد قلبي وروح روحي >> غني فيها احسن خخخخ
بس هالسنه ابشركم اكتفيت بالخبز والجبن ماادري وشفيني مااشتهيت الاندومي شكلكم ناظليني يامتوحشين :biggrin:
المهم اقولكم السنه ذي مافضى لنا ابوي عشان يقومنا كالعاده ..الضعيف ماصدق يجي من صلاة العيد وابددددد على طول جز رقبته .. بعذره والله بلا من شي شافه من ذا الاشهب ابو قرون
والله لو تدرون المعاناه الي عايشين بها من ليله عرفه لين يوم العيد !!
اصلا انا من اول ماجابه وانا شاكه فيه اجل يقول ابوي انه وهم بالطريق >> هم يعني ابوي والخروف :42: ايه اقولكم وهم بالطريق كل شوي شنطه السياره تنفتح ويوقف ابوي على جنب ويسكرها .. اثر ابو قرون متحلف يهبل بابوي من اول ماشراه!!
بغيت اصوره لكم كني حاسه سبحان الله انه بيسوي هوايل بس قسم من شاف ذا القرون بيرتاع !! خفت اروح اصوره بعد مايردني الا الجدار هع وانا صراحه وحده احب نفسي وماعندي استعداد اروح ضحيه خروف طائش مايقدر الجمال العربي >> اقول الفقيها تكفين :biggrin:
ومر اليوم الاول بسلام اللهم من شويه تغريد عذب غير طبيعي من اخونا الاشهب مصحوب بمقطوعه موسيقيه من طراز ماآآآآآآآآء
وجاء اليوم الي صدق اكلنا فيه تبببببببن .. اجل نقوم الظهر ونلقى الاخ زانط نفسه ويبي ينتحر؟! خخخخخخخخخخ لاف الحبل على رقبته كم لفه وياااله يقوى ينفس شكله يحب الضعيف وهاجرته حبيبته ومتعذب >> اعلقي لا بكف
المهم راح له ابوي وفك الحبل من رقبته وربطه برجوله وعطاه كم نصيحه عالطاير وان قتل النفس حرام والمنتحر تحرم عليه الجنه ومن هالحكي لين اقتنع الخروف الحمد لله وبكى من التأثر >> ماتلاحظون كني اقص قصة لمبزره :biggrin:
بيوم العيد
هاك اليوم حطهن بالجاكوزي اللي عند المسبح