اللي ولادتها باغسطس ...تتفضل حياها الله

مبروك عزيزتي ام امونه والله يتمم لك على خير اهم الاشياء في بدايه الحمل 1)عدم استخدام اي عقاقير اوادويه الا باستشاره الطبيب
2)عدم التعرض للاشعه والمواد الكيماويه
3)عدم صبغ الشعر
4)الاكثار من شرب الماء






5)تناول حمض الفوليك اثناء الحمل وقبل الحمل بثلاث شهورعلى الاقل
6)الراحه والتقليل من المشي الطويل والجلوس الطويل
7)عدم وضع رجل على رجل اثناء الجلوس
8)لبس الاحذيه المريحه
9)التقليل من القهوه والشاي والمشروبات الغازيه

هذا الي عندي وان شاء الله البنات يذكرونا بنصايح ثانيه وسلامتكم

كيف الحال بنات ؟؟؟ وكيف الوحام معاكم ؟؟ الحمد لله بدا يخف بعد ما طيحني كم اسبوع لكن الحمد لله على كل حال ........ حبيت انصحكم للياخذون حبوب (بيرم بيران ) للغثيان انا استخدمتها في حملي الاول شهرين و كانت نفسيتي زفت ولله الحمد ... على طول متضايقه و زهقانه و كارهه عمري ,,, واربع وعشرين ساعه ابكي ,,,,, لكن كنت اتوقع انه من الحمل و كانت الدكتوره الله يسامحها تقول طبيعي ما كنت اتوقع انه من الحبوب ,,,,,,,,,و في حملي هذا لاحظت ان نفسيتي تغيرت لما بديت استخدمها ..... لما قريت النشره الي خاصه فيها مكتوب انها تسبب ((اكتئاب )) حسبي الله عليهم .....مع بدايه حملي كانت نفسيتي مرتاحه بالرغم من التعب ,,,,,, علشان كذا حبيت انصح الي يستخدمونها ,,,,,,, وتقومون بالسلامه ان شا الله

شكرا حبيبيتي الله يعطيك الف عافيه ويارب الكل يفيدنا وتسلمي على اهتمامك

قووه بنوتات شلوونكم كلكم
ومرااحب للي انضموا جديد ..
نساء صغيرات
مشكوره حبيبتي على النصيحه كنت ناويه اخذ حبوب للوعه بس عاد الاكتئاب مو ناقصين .. واصلا نفسيه الام الحامل تأثر عالجنين << عشان جذي خلووكم فريش ووسعوا صدوركم :)

ام امونه -دافا - اوبما
شلوونكم بنات شخبار الحمل واللوعه ويااكم وكل عام وانتوا بخير

ليمونه
الله يجزاج الف خير عالدعوه الحلوه مثلج ولله يستجيب يااارب <<رافعه يدينها تدعي ههههههههه
والله يرزقج يااارب بولد يونس خواته ولامانع من انه يطقهم من وقت لاخر .. عادي يمون ولد :)
وبالنسبه للتجربه دوري لج مكان ماتوصله الصغيره الله يحفظها .. تكفوون بنات جربوا ابي اشوف اخاف اتعشم وتطلع التجربه خربووطه ..ولا اقوولج ليمونه سويها بالليل قبل تنامين والصبح قبل لايقعدون بناتج تشوفين النتيجه ولامن شاف ولامن دري

حولاء ومزيونه
حبيبتي انتي والله ماشاء الله عليج بتاجرين على حسابي هاه ؟ بس ولو تمونين على الاقل اكشخ عند الناس و اقوول ملابس بنتي من باريس ولندن وامريكا << جوله سياحيه
والله زين انج شريتي لانه عقب بتصير الاسعار ناار .. وانا مثلج احب استغل هالتنزيلات حتى لو ماراح استعمله بوقتها .. عارفه اني راح ينفعني بعدين
حولاء شرايج تشرين لي وياج وبعدين نتحاسب هههههههههه

بالنسبه لي ياحلووات ولدي من امس الله لايوريكم كحه وحراره وبلغم وربي يضيق الخلق واليوم كله يرجع << عاد انا اللوعه الي فيني ماتصدق تسمع بالترجيع
والمصيبه ياابنات مستحيل مستحيل يشرب الدواء .. واذا شربه لازم يرجعه :(
الي عندها طريقه عشان تروح هالشغلات هذي بدون علاجات تكفون تفيدني .. والله يجزاكم خير