ابي اقولكم شنو سويت بالعيد الايام الي طافت
اول يوم العيد من الصبح رحنا صلاه العيد انا وزوجي وام زوجي وبعدين رحت انا وزوجي
للمقبره زرت قبر ابو زوجي وابوي وامي الله يرحمهم يا رب وقريت عليهم قرآن ودعيتلهم
بعدين رحت بيت مرت ابوي واخواني طبعا انا ما حطيت مكياج ولا سويت شعري ولا اي شي
سلمت عليهم انا وحمني وقعدت عندهم ورديت بيتي وثاني يوم زارونا اهل ريلي وطبعا انا ما كنت
اطلع بس اذا نادوني كنت اطلع اسلم عليهم وادخل ما رحت اي مكان لا زوارات ولا اي شي
يعني تقدرون تقولون العيد مر علي مثل الايام العاديه .
حمني الحين طايح علي مريض بعد عمري له يومين ماسكته كحه وامس وديناه المستشفى وقالوا
ان حايشته نزله برد وفيه شوي بلغم على صدره وعطوني مضاد حيوي ودوا كحه وخافض حراره
لانه حرارته كانت 37.9 والله يستر ويعدي كل شي على خير
قلبووو
الله يشفي لك زوجك يا رب ويقوم بالسلامه ويفرح فيج وبدودي
ملووكه
الله يعين الجميع .. والله للحين ما عطيته اكل ولا شي ان شاء الله الاسبوع الياي
يكمل اربع شهور وعنده موعد مع طبيبه وراح اسال الطبيب شنو اعطي حمني
دمعووه
امين يا رب افرح بحمني وربي يطرح فيه البركه .. والوالده الحين لها تقريبا اسبوعين
متوفيه الله يرحمها ويغفر لها ويحسن اليها يا رب ويسكنها فسيح جناته ويجعل قبرها روضا
من رياض الجنه ولا يجعله حفره من حفر النار
موالـــيد ديوانية الأحباء في الله .... حــياكم الله
متابعة النقاش، صفحة 112