شاركي في النقاش

سجلي الدخول لإضافة تعليق.

التعليقات

93
  1. @taml

    صاحبة الموضوع
    تـــناهـيـد
    يالله كملي تراي متحمسه
    ماعليش خواتي انا انشغلت بالعيد والعيادي:)
    ولاني اكتب القصة هنا مباشرة ماجا على بالي اكتبها عالوورد
    استحملوني القصة شارفت على نهايتها

    اقدر كل وحدة منكم دخلت الموضوع وشاركت بردها وتعقيبها...



    وصلنا الى لحظة المواجهة
    قام وقالها بصوت واثق قبل ماتسالي عن تصرفاتي وتحاسبيني
    انتي وين كنتي... وينك عني
    لو كنت اهمك ماكان اجي من برا ولاقيك نايمة...
    لو كنتي تحبيني ماكان تهتمي باولادك اكثر مني
    انتي اللي خليتي بحياتي فراغ
    قالت طيب قولي ...نبهني... ذكرني ... مو تطعني من ورا ظهري
    لا وكمان بالطالعة والنازلة تكذب وتقول احبك
    اتاريه عشان تعيشني مخدوعة
    ومغفلة
    ليش تخدعني ليش
    لو كنت تضربتني او وديتني لاهلي كان اهون عليه من اني اعيش مغفلة

    قال لا انا احبك
    وانتي تعرفين بس عشانك معصبة الحين ماراح تصدقين
    :30:


    انهارت قالت
    عذر مراهق و اقبح من ذنبه برضو مو مبرر للحرام
    وهالاشيا اللي ناقصتك لاتكون عوضتك اياها الفاجرة اللي تضحك على مية احمق بوقت واحد
    وانت واحد من المغفلين اللي ضحكت عليهم
    انقهر
    قال تقولين عليه مراهق ومغفل
    قالت اجل ايش تسميها ...رجولة... قالتها بسخرية
    وهي تنظر فيه وتتامل تحلف كانها اول مرة تعرفه فيها
    الدنيا لفت ودارت فيها سبعين دورة
    وسكتت لحظة تفكر باولادها تقول حسيت انهم مساكين انظلمو كيف حيتربو من ابو مثل هذا

    وهو يقرب منها شوي لانه حن عليها لمن شافها منكسرة
    وغير دموعها
    قال : ممكن تفهميني
    وماتعصبي
    قالت وعلى ايش ... قول اللي عندك والله ماتسوى هاللحظة عندي شي
    قال هذي وحدة عندها مشكلة اجتماعية
    وكتبت عنها في منتدى
    وانا تعاطفت معها وحبيت اخفف عنها
    وهي تبكي بقوة وتقول يالله ياطبيب يا دكتورياحلال المشاكل
    حل مشكلتي ومشكلتك الحين... انا اكرهك وماني طايقة اشوف وجهك
    وفرضا اني مصدقتك وهذا مستحيل
    عشان تحللها مشكلتها حطيتني وحطيت نفسك بهذا الموقف
    وبعدين اللي يحل مشاكل الناس يتغزل فيهم ويبادلهم كلمات الحب والغرام
    لاتحسب اني صدقتك
    اتركني.... اخرج
    انا اكرهك... اكرهك من كل قلبي
    لانك ماتستاهل دقيقة عشتها معك
    انت حقك وحدة
    مثلك تلف وتدور وتلعب على مية حبل وحبل
    المهم قالت كلام كثير ندمت عليه بعدين
    ووقعت على الارض تبكي
  2. @taml

    صاحبة الموضوع
    am &ams
    طيب مو لازم تكتبينها كلها اكتبي اجزاء بس كثري شوي مو بس جملتين صايره كنك هالمسلسلات الجديده الي 30 حلقه ما فيها قصه هههههه بالانتظار
    وهي تبكي وتقوله اخرج اذا ضليت قدامي
    يمكن يصير شي لاني ماني طايقة استحملك
    وخرج
    وراحت غرفتها تبكي
    وتفكر
    ياربي بايش قصرت
    دايما اقوله كلام حلو
    ودايما البس واتزين
    معقوله كل اللي اسوية مايسوى بعينه
    طيب ليش يجاملني ... كل ماشافني يقول قمر والله قمر
    وكل ماقلت له كلمه حلوة يغمرني بالكلام الاحلى والاسلوب اللي يجنن
    معقوله يطلع زوجي اكبر ممثل ومعيشني باكبر كذبة
    معقول مافكر بلحظة ممكن ينكشف فيها كل شي


    ترجع وتقول كل شي معقول من الرجال
    وكل يوم نكتشف بعالمهم شي جديد
  3. @taml

    صاحبة الموضوع
    تأمُل
    وهي تبكي وتقوله اخرج اذا ضليت قدامي يمكن يصير شي لاني ماني طايقة استحملك وخرج وراحت غرفتها تبكي وتفكر ياربي بايش قصرت دايما اقوله كلام حلو ودايما البس واتزين معقوله كل اللي اسوية مايسوى بعينه طيب ليش يجاملني ... كل ماشافني يقول قمر والل…
    وغاب يومين ماحد شافه فيها
    بعدها صار
    يجي يسلم على اولاده ويرجع يخرج مرة ثانية

    وهي تفكر
    هل البنت هذي هي مجرد حبيبة ماسنجرية
    او انها زوجة بالسر
    او انها دمية مسيار
    كل شي جا ببالها
    بس الاكيد ان العلاقة وثيقة
    وهذا الظاهر من رسائل الشوق والانتظار
  4. @taml

    صاحبة الموضوع
    @بقايا جروح@
    لسه مارجعت؟؟؟؟؟
    مر اسبوع من الصمت والتفكير
    وهي في بيتها
    وهو برا ماتدري وين
    بس ترسل له طلبات البيت عشان تضمن انه مو مسافر
    وبعد اسبوع
    وهي جالسة تصلي
    ومادرت الا هو جالس جنبها ومعه مصحف اللي دايما يقرا فيه
    وهو يقولها تعوذي من الشيطان
    قالت اعوذ بالله من الشيطان الرجيم ومن اهله وجنده واتباعه
    وهو يبتسم وحزن الدنيا بعيونه
    قال
    يكفيك لو احلفلك على هذا
    ويشاور على المصحف
    وهي تسبح وماترد
    قال يكفيك ولا لا
    قالت يكفي
    وهو يبكي
    لاول مرة من زواجهم تشوف دموعه
    قال اقسم بالله اني احبك
    واحب بيتنا
    واولادنا
    واحب حبنا ومو مقصرة علي بشي
    بس كانت نزغة شيطان
    والحمد لله اني رجعت لرشدي
    وهذا اللي ربي كتبه عليه وعليك
    بس مو معناتو ان حياتنا مع بعض انتهت
    واللي ابيه انك تصدقيني مدام انا حلفت
    و تتركي كل هذا ورا ظهرك
    قالت بس انا انجرحت
    جرح مو بسيط
    خصوصا انك تعرف قد ايش احبك
    وتذكر كنت اقولك لو بعدت عني اموت
    اعتقد مانت عارف ابعاد كلمتي او مو مصدقها
    بس الحمد لله عندي يقين واراداة وحسيت اني اقوى بكثير
    من اللي كنت اتوقعه
    قال والله ان كل الكلام اللي كنت اكتبه لها انه كذب
    والله ماحبيتها ولا يشرفني حبها
    قالت وكلمات الحب والشوق بالرسايل والبطاقات
    قال كذب ووهم
    الحمد لله ماكنت مقتنع فيه بس غفلة والحمد لله صحيت منها
    انتي حبي الحقيقي
    ابغاك تسامحيني
    يقولها وهو يحلف و يبكي
    وكل جوارحه تقول انه صادق

    ويكمل كلامه
    طيب انتي ما لاحظتي اني تغيرت بالفترة الاخيرة قبل شهر وشهرين فقط
    قالت صح
    قال مالاحظتي اني صرت اصلي بالليل
    قالت بنفسها والله صح
    قال مالاحظتي اني اقومك للصلاة واسال من صلى ومن ماصلى قالت صح
    قالت انا مبسوطة بوضعك بس ماكنت اعرف
    انو وراه مصيبة
    قال المهم اني تبت وتوبتي لله
    وانا دعيت ربي يغفرلي اللي فات
    ويستر علي
    بس الظاهر انو مكتوب انك تعرفي كل شي
    يمكن لان قلبك طيب وانا صح ماكنت استاهل حبك
    ويمكن عشان تهتمي فيه اكثر (يبتسم وهو يقولها)


    قالت بس طلب
    ايش علاقتك فيها
    قال مجرد تسلية... وكل كلامن كذب بكذب
    قالت احلف وحلف
    قالت انها مو زوجة بالسر
    حلف
    قالت ولا دمية مسيار
    قال لا والله مافكرت بهذا الشي طول عمري
    وحلف انها تسلية عالماسنجر فقط

    كنت فاضي واتسلى مع وحدة بلهاء و غبية
    وبرد قلبها لمن قال بلهاء
    قالت بس بنات الناس
    الواحد يخاف تجيله بنت ربي يبتليه وتصير لعبه
    اللي يتعدى على حرمات الناس ربي يعاقبه باهله
    ماخفت من هالشي
    ماخفت من عقاب رب العالمين
    قال انا لو ماخفت ماتبت كان ظليت بغيي
    وانا ماجيتها بيتهم
    هي اللي ظلت وراي لين اظافتني على الماسنجر
    وترددت باول الامر
    وظلت تقول فكر وماراح تندم
    وقلت اتسلى بس واغواني الشيطان
    والحينة انا باتفرغ لتوبتي ورجعتي لله مابغى شي ينغصها عليه
    اذا تقدري تساعديني واذا ماتقدري
    اللي ابغاه ما ينخرب بيتنا
    ويتشوه حبنا عشان الشيطان ووحدة ماتسوى
    وكل كلمة يقولها تبرد النار اللي بقلبها
    اطمئنت قالت الحلف يكفيها مابعده شي
    الا انها تحافظ على بيتها وزوجها
    وهو الان نعم الزوج صلاة وذكر واخلاق
    ويمقت كل الاخلاق السيئة
    وكانت هذه ارادة الله عشان يصحو من غفلة كانت
    من سهر
    وضياع للوقت
    تقول اختنا :: احمد ربي الف مرة على اللي صار لان زوجي اصبح رجلا بمعنى الكلمة
    وخلوقا لابعد حد
    وترك النت نهائيا
    ونظم وقته ووقتنا
    حتى ابنائي واقاربي يشهدو على هذا الشي وانه صار افضل بكثير
    والاجمل بقصتها
    انها تحلف انو مافيه مخلوق يعرف باللي صار
    حتى اقرب الناس لها وحتى ابناءها

    فلرب نازلة يضيق بها الفتى.... ذرعا وعند الله منها(وفيها) المخرج


    فجميل ان لا نستعيد الماضي لنفتح الجروح
    ولكن نستعيده لئلا تذهب التجربة هباء

    اتمنى لكم من كل قلبي التوفيق والسعادة مع ازواجكم
    وسال الله انه يرزق البنوتات بازواج صالحين

    ويحفظ اختنا وزوجها ويديم عليهم السعادة والاستقرار
    ويحفظ اولادهم من فتن هذا الزمان
    ولكن ودي
    وتقديري

تابعي تجارب أخرى من هذا القسم.