ماعليش خواتي انا انشغلت بالعيد والعيادي:)
ولاني اكتب القصة هنا مباشرة ماجا على بالي اكتبها عالوورد
استحملوني القصة شارفت على نهايتها
اقدر كل وحدة منكم دخلت الموضوع وشاركت بردها وتعقيبها...
وصلنا الى لحظة المواجهة
قام وقالها بصوت واثق قبل ماتسالي عن تصرفاتي وتحاسبيني
انتي وين كنتي... وينك عني
لو كنت اهمك ماكان اجي من برا ولاقيك نايمة...
لو كنتي تحبيني ماكان تهتمي باولادك اكثر مني
انتي اللي خليتي بحياتي فراغ
قالت طيب قولي ...نبهني... ذكرني ... مو تطعني من ورا ظهري
لا وكمان بالطالعة والنازلة تكذب وتقول احبك
اتاريه عشان تعيشني مخدوعة
ومغفلة
ليش تخدعني ليش
لو كنت تضربتني او وديتني لاهلي كان اهون عليه من اني اعيش مغفلة
قال لا انا احبك
وانتي تعرفين بس عشانك معصبة الحين ماراح تصدقين
:30:
انهارت قالت
عذر مراهق و اقبح من ذنبه برضو مو مبرر للحرام
وهالاشيا اللي ناقصتك لاتكون عوضتك اياها الفاجرة اللي تضحك على مية احمق بوقت واحد
وانت واحد من المغفلين اللي ضحكت عليهم
انقهر
قال تقولين عليه مراهق ومغفل
قالت اجل ايش تسميها ...رجولة... قالتها بسخرية
وهي تنظر فيه وتتامل تحلف كانها اول مرة تعرفه فيها
الدنيا لفت ودارت فيها سبعين دورة
وسكتت لحظة تفكر باولادها تقول حسيت انهم مساكين انظلمو كيف حيتربو من ابو مثل هذا
وهو يقرب منها شوي لانه حن عليها لمن شافها منكسرة
وغير دموعها
قال : ممكن تفهميني
وماتعصبي
قالت وعلى ايش ... قول اللي عندك والله ماتسوى هاللحظة عندي شي
قال هذي وحدة عندها مشكلة اجتماعية
وكتبت عنها في منتدى
وانا تعاطفت معها وحبيت اخفف عنها
وهي تبكي بقوة وتقول يالله ياطبيب يا دكتورياحلال المشاكل
حل مشكلتي ومشكلتك الحين... انا اكرهك وماني طايقة اشوف وجهك
وفرضا اني مصدقتك وهذا مستحيل
عشان تحللها مشكلتها حطيتني وحطيت نفسك بهذا الموقف
وبعدين اللي يحل مشاكل الناس يتغزل فيهم ويبادلهم كلمات الحب والغرام
لاتحسب اني صدقتك
اتركني.... اخرج
انا اكرهك... اكرهك من كل قلبي
لانك ماتستاهل دقيقة عشتها معك
انت حقك وحدة
مثلك تلف وتدور وتلعب على مية حبل وحبل
المهم قالت كلام كثير ندمت عليه بعدين
ووقعت على الارض تبكي
بريد زوجك و(سر الشرود)
متابعة النقاش، صفحة 17