انا عندي كووومه اسأله الله يعينك يا دكتور
- متى اول عمليه اجريتها ؟ .. يعني من كم سنه ؟ سنه سنتين ؟
- كم عدد العمليات اللي حتى الآن سويتها للتحوير ( انتبه يا دكتور انا قلت تحوير فقط )
- كم تاخذ عليك العملية من دقيقه ؟
- وش اكثر لاحظت عليه اقبال او بالاصح "اجريت" .. التحوير ولا الحلقه ؟ بغض النظر عن مؤشر كتلة الوزن
- سمعتك تقول عن مساوئ التدبيس .. وش مساوئها ؟ .. فضول فقط
- قريت مرة بمنتداك .. انه لم تحدث حالات وفاة معاك الا حالة واحده ولم يكن السبب له علاقة بالعمليه .. وش كان السبب ؟ .. وماهو جنس هذا الشخص .. ذكر ولا انثى .. وكم عمره ..
- ابي اقرأ تجربة شخص مر على الاقل سنه ونص من هذي العمليه .. لكن لحد الآن مالقيت هذا الشخص ولغتي بالانجليزي على قدي ..
- قريت عن الغازات اللي تطلع من اصحاب عملية التحوير .. يعني كل كم هالغازات ؟؟ كل نص ساعه ! ولا كل ساعه !! ولا كل خمس دقايق !!!!
- قريت ان اي احد ياكل حلا او سويتي .. راح يصير فيه دمبق مادري دنمبق ؟ وشو هذا !!!!
- طيب انا شعري طويل .. يوصل الى تحت خصري .. قبل العمليه امسك شعري من راسه ببكله واقصه !! .. لاني باقول عليه السلام ؟؟ لاني سمعت اغلبهم شعرهم يتساقط ومايبقى الا 30 حبه
- طيب انا مابي الناس تدري اني مسويه تحوير ! كيف اسوي ! .. لاني سمعت ان اي وحده تاكل شي على طول تدوخ وتنام .. يعني بالعزايم اتسدح بالمجلس والأسياب ؟
- انا وانا سمينه فيني اكتئاب هل اذا نحفت بعد التحوير و نقص الفتيامينات راح اكتئب ولا اقدر استنانس ولا اقدر اضحك لان مافيني حيل للضحك والحركه .. وادف عمري ببروزاك وسيروكسات ؟؟؟
واصير انطوائيه ؟
- وبأمانه .. هذا السؤال تجاوب عليه بكل ضمير مهني .. واخلاقيات اسلاميه وكشخص يتكلم من أخ لأخته .. انا عمري الحين 27 .. وبعد 10 سنوات راح يكون عمري 40 سنه .. كيف راح يكون وضعي ؟؟ ووضع معدتي الثانية اللي مسفوطه على جنب ؟؟؟ .. واعذرني على وقاحتي شوي .. هل بعمر 40 راح العن الساعه ( استغفر الله ادري مايجوز بس بذيك الساعه يمكن اكون محترة والعن نفسي بعد ) هل راح العن الساعة اللي فكرت فيها اسوي هذي العملية ؟؟؟
يعني ابيك تعطيني تصور كامل وتخيل عن حالتي في عمر 40 سنه بعد التحوير ..( وتراي امنتك بالله )
- اخر سؤال .. ليه التسجيل في منتداك صعب ؟؟!! امس تسجيل .. واليوم قبول .. وبكرة تفعيل !!!!!!
سلطان التمياط، استشاري جراحة المناظير والسمنه المفرطه.. يجيب علي استفسارتكن
متابعة النقاش، صفحة 46