مرحبا
شوفي اختي انا بجاوبج من منطلق اني انا كنت نسخه من شخصية بنت صديقتك
كان شعري طويل رحت وقصيته قصير وايد وصبغته مره احمر ومره وردي وماخليت مكان ما علقت فيه صور فنانيين وابوي كان يدخل عندي ويعصب بس انا ما كنت افهم ليش يعصب وحتى لما يكلموني احس انى انا الصح وما ابي اسمع كلامهم لأنهم (حسب تفكيري ساعتها) يبون يتحكمون فيني .
الكلام هذا من 6 سنوات انا الحين الحمدلله كبرت وتغيرت وفهمت الصح من الغلط ..كيف..
الشي هذا يحتاج قدر كبير من الحب والصبر والأحتواء
يعنى سووا معاها مثل ما انا امي وابوي اتصرفوا معاي ,,حطوا في بالكم انها فتره وبتعدي وشي جديد عليها انا بدت تكبر وجسمها يتغير وبدت تصير انثي واي شي جديد في حياتنا يكون مصحوب بحماسه واحلام وتوقعات وخوف ,يعنى لازم تتحملونها واطولون بالكم عليها وتسامحونها .واتغاضوا عن عصبيتها فهي ان شاء الله مؤقته والمراهقات يحبون ينعزلون يعني يحبون الوحده فلازم تحس ان اللي فالبيت يحترمون وحدتها وخصوصيتها مع المراقبه الغير مباشره .
واذا صارت مشكله تنحل بهدوء من دون صدام او صراخ بالنقاش والتزام الحياد فيها
يعنى لو اكتشف الاهل ان بنتهم ارتكبت شي غلط مثل مسأله المعجبات والاعجاب وهي ظاهره غير صحيه ممكن ان بالتلميح واحيانا بالمواجهه والنقاش. وممكن يمدحونها اذا تصرفت تصرف حسن عشان تتشجع وتستمر عليه.
واقتراح ممكن ان تفاجئونها تخلونها تنام يومين فبيت خالتها او حد من الاهل و تشيلون البوسترات وتتحتفظون فيهم على جنب(عشان ما تحس انكم تفرضون عليها شي) وتصبغون غرفتها وتغيرون الديكورات بشكل بنوتي حلو وهي بتفرح وبتتفاجأ وما اعتقد ترجع تعلق بوسترات عشان لا تخرب ديكور غرفتها.
صديقتي تسأل كيف تتعامل مع ابنتها المراهقه؟
متابعة النقاش، صفحة 2