شاركي في النقاش

سجلي الدخول لإضافة تعليق.

التعليقات

24
  1. @nbd_algof

    صاحبة الموضوع
    هلا حبايبي اسفة عالتاخير
    كنت اتابعكم من بعيد لبعيد
    يالله استعدوا لليوم الثاني من ايام ست مرزوقه
  2. @nbd_algof

    صاحبة الموضوع
    ,,,,,,,,,,,,,,,,,,,,,,, يوميات ست مرزوقة 2 ,,,,,,,,,,,,,,,,


    الحمد لله وصلت للمدرسة بدري اليوم قبل الطابور بنص ساعة
    وينها عجوز خيبر (المديرة) تجي تشوف نشاطي وحماسي على هالصبح؟؟؟؟ عساه يبين بعينها بس
    دخلت الادارة بكل ثقة ( اول مرة اعرف معنى واثق الخطوة يمشي ملكاَ) والقاها مرتزة قدامي كنها محنطة
    من امس ماراحت بيتهم
    انا : صباح الخير ياست بدرية
    المديرة : وعليكم السلام.... عسى ماشر ؟؟؟ جاية بدري اليوم ؟؟؟ مو من عوايدك ؟؟؟؟
    انا : لا حول ولا قوة الا بالله...يعني ان تاخرنا مو عاجبك, وان جينا بدري تتطنزين
    هذا جزاي اني صاحية من الساعة 5 الفجر ومستعدة عشان اجي بدري قبل الطابور واكون معلمة مثالية ؟؟ (ماتدري اني مواصلة ولا والله ما تشوف رقعة وجهي )
    المديرة: لازم تجين بدري حبيبتي انتي ناسية ان اليوم مناوبتك؟؟؟
    انا : هااااااااااااااااااااااه
    مناوبتي؟؟؟؟؟؟؟؟ أي مناوبة ؟؟؟؟؟
    المديرة :أي مناوبة ؟؟؟؟ مناوبتك عند الباب تنتظرين دخول البنات بالصبح وتراقبينهم بالطلعة بعد
    انا : ليش ضابط خفر على غفلة؟؟؟
    المديرة : نعم؟؟؟؟؟
    انا: اااااااااااخ يا حظي التعبان اقول انشالله الحين بروح استلم
    حسبي الله على المناوبة وعلى اللي اخترع المناوبة.
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    واخيرا تمت عملية المناوبة بسلام...
    الحين الحصة الاولى عندي فراغ. خلني ارتاح واتقهوى بالغرفة واشوف اخبار خوياتي . من زمان عندهم خلنا نشوف من اللي تطلقت ومن اللي تزوجت.
    شوي ولا جت عجوز خيبر ( المديرة) : ست مرزوقة خير انشا لله ليش قاعده؟؟؟
    انا: ( مالي يشوف وجهك يشوف خير) عدي فراغ طال عمرك وقاعده اتقهوى
    المديرة : لا يا عزيزتي انتي ماشفتي سجل الانتظار؟؟؟؟
    انا: لا والله.. وشو هذا بعد؟؟؟ لا يكون بترجعوني انتظر عند الباب واستقبل الوفود الاتية
    المديرة: تتطنزين حضرتك؟؟؟
    ليش انتي ماسمعتي عن اختراع اسمه حصة انتظار؟؟؟؟
    اذا غابت معلمة تروح معلمة ثانية تجلس مكانها بالفصل
    انا بصوت واطي : ( يعني حاسدتني على هالنص ساعة اللي برتاح فيها ؟؟)
    ( اقول جعلني انتظر دوري بتوديعك من هالمدرسة وقلعة وجهك اللي جايبلي النحس)
    المديرة : ايش قلتي ياست مرزوقة ؟؟
    انا : لا سلامتك انا عند أي فصل طال عمرك ؟؟؟؟؟
    المديرة : عند اول ابتدائي. يالله بسرعة البنات مسوين ازعاج للفصول الثانية
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    رحت للفصل ... ومن دخلت ولا كل بنت جلست بمكانها وتناظرني بذهول ( بعذرهن اول مرة يشوفني)
    انا: السلام عليكم
    البنات : واااااااااااعليكم السلااااااااااااااااام ورحمــ
    انا: بس بس بس خلاص وصل سلامكم لا تصدعون براسي
    ( يا ربي وش اسوي الحين باقي 40 دقيقة اقعد عند هالصغار لا استفيد منهم ولا يستفيدون مني,,,
    وينك يا هيا ويا رشا ليتها حطتني عندكم اشوف اخر تعبير للحب عندكم)
    انا: يا لله يا حبيباتي اللي عندها واجب او حفظ تسويه قبل ماتجيكم المعلمة الثانية
    قامت وحدة من اخر الفصل وطول الشبر : يا ست يا ست
    انا : نعم حبيبتي اش تبين؟؟
    البنت :ست تقول سارة متى نعطل؟؟
    ( ااااااخ يا سارة, ضغطتي عالجرح يا سارة ,كأنك حاسة بالي فيني يا سارة, وتبين تعذبيني يا سارة )
    انا ( بلهفة ): وسارة وينها ليش ما تسالني بنفسها ولا حتى هي متعذبة ويائسة مثلي؟؟
    البنت : سارة غايبة يا ست
    انا (مصفوقة من المفاجأة ): غايبــــــــــــــــــــــــــة ؟؟؟؟؟؟؟؟؟
    البنت ( خايفة وباين الكذب بوجهها) : ايه يا ست بس هي امس قالتلي بكرة اسالي المعلمة متى نعطل
    انا:اقول مابقى الا انتي يا نص نصيص تستهبلين فيني . اجلسي مافي عطلة
    ( اقول وش هالصبح الاقشر ؟؟؟؟ يعني سارة تغيب وتنام, وانا اداوم من الفجور واناوب, ونص نصيص
    هذي تضحك علي؟؟؟ )
    يالله تعدي هاليوم على خير..
  3. @st_alnsaaa_2

    يارهيبه ياست مرزوقه

    بس تدرين هذي نص نصيص يبيلها تكفخ بعسو

    اللهعليك وعلى حكياتك ننتظر البقيه باي

تابعي تجارب أخرى من هذا القسم.