تبين تكونين سيدة أعمال وشيخة نفسج؟؟أدخلي :) موضوع مهم جدا
متابعة النقاش، صفحة 12
شاركي في النقاش
سجلي الدخول لإضافة تعليق.
التعليقات
406- انا معاك والله فعلا عندك طريقة في رفع المعنويات بس انا عندي مشكلة اني كل مرة اجيب بضاعة بسيطة واعرضها على صديقاتي ويكون العرض على استحياء فما احد يشتريها وتطيح في كبدي واتحطم وش الحل؟
- الى كل أخت غالية كلامي رفع من معنوياتها.........................الف شكر يالغاليات واذا تبون ترفعون معنوياتي أبيكم تبدون معاي بأول خطوات التوفير والاستثمار وان شالله نوصل :)
وأحب لقاء ربي اذا كنتي تستحين ماراح تمشي بضاعتج لأن الناس عادة يشترون من اللي يبيعهم وهو متحمس لبضاعته ومقتنع أنها مطلوبة والناس تحتاجها :)
عالعموم شوفي لج حلول ثانية مثلا تعطين بضاعتج لأي بائعة شاطرة تدور على البيوت ولها نسبة اذا صرفتلك البضاعة...
أو مو لازم بضاعة وتبيعين ممكن تشوفين لج أي خدمة ممكن تقدمينها للناس مثل: بحوث للطالبات أو خدمة الترجمة أو باور بوينت أو مكياج و سشوار الخ....................
ليش تركزون بنات على بضاعة وبيع....الحين المستقبل للخدمات يعني شالخدمة اللي تقدمينها للناس ويكونون محتاجينها راح يجيج طلب عليها...
الزبدة:اذا ما تبين تطيح بضاعة في كبدك ...اتجهي لقطاع الخدمات...
وأختي الغالية أبلة بس مب هبلة :) أتمنى هالكلام يساعدك تبدين تكونين راس المال الخاص بك :) - المرحلة الثالثة:
أبدئي في ملئ المحفظة
طبعا ماراح تمتلي محفظتج الا لما يكون اللي يطلع منها أقل من اللي يقعد فيها ومع مرور الوقت راح تمتلي كلها,
انا الحين بوجه كلامي للي عندها مسؤوليات وتصرف على عيالها وبيتها(طبعا اذا زوجج موجود) توقفي عن الصرف على البيت والعيال انتي مش ملزومة بهم!!!
أبوهم ملزوم ببيته وعياله,طبعا انتي في البداية قولي لزوجج انج داخلة على مشروع مع حد من قرايبج أو جمعيه وما تقدرين تصرفين على البيت ,طبعا بيكون الأمر صعب عليج بالبداية لأن اللي تعود على شي صعب يغيره,بس لي متى ؟؟
خلج قوية وأصمدي بتتعبين في البداية ويمكن يقصر عليج زوجج بالفلوس ويقول ماعندي يبي تطلعين اللي بكيسج بس تحملي تتنازلين ........قوليله أنا ملزومة بكلمة مع شريكتي وما أقدر أفشل نفسي معاها عشان يقدر الموقف بس وشوي شوي بيتعود على الوضع ...وزوجج على ما عودتيه!!
أما اللي مطلقة أو حالتها خاصة ومضطرة تصرف على البيت أقولها توفر لو 10% من راتبها بعد عشر شهور بتكتشف أنها جمعت راتب شهر كامل !!! وبعد سنتين بيكون عندها راتب شهرين ونص تقريبا .....يعني حلوة تكونين بداية راس مال.
أما البنوتة اللي مالها التزامات تصرف منها فهذي لازم تفوق وتتوعى قبل ما تقرصها الدنيا وتتندم قد شعر راسها أنها فرطت بفلوسها بكل بساطة وما خلت شي للزمن!!!
ترى ما راح تفيدج الملابس والشنط والاكسسوارات كلها تنقط وتروح موضتها وتتحسفين أنج خسرتي راتبج كله عليها!!
انتي أطلب منج أنج توفرين 75% من راتبج لا تقولين واجد!! بتقدرين
بنت الدوحة2000 المرحلة الثالثة: أبدئي في ملئ المحفظة طبعا ماراح تمتلي محفظتج الا لما يكون اللي يطلع منها أقل من اللي يقعد فيها ومع مرور الوقت راح تمتلي كلها, انا الحين بوجه كلامي للي عندها مسؤوليات وتصرف على عيالها وبيتها(طبعا اذا زوجج موجود) توقفي عن …
المرحلة الرابعة:
تحكمي بنفقاتج:
أكيد في ناس واجد يقرون كلامي يقولون احنا يادوب الراتب يكفينا شلون نوفر منه؟؟؟
لو شريتي مجلة ب10 ريالات ورميتيها بالزبالة بدون ما تقرينها هل راح تتحسفين؟؟
لو شريتي طقم بالتنزيلات ب500ريال وتميتي سنه مالبستيه لأنه ما ناسبج هل راح يعورج قلبج؟
لو رميتي كل يوم أكل بالزبالة يكفي عايلة هل راح تتضايقين؟؟
أكيد صح؟
بس لو قتلج خذي 10 ريالات وأحرقيها هل بتسوينها ؟؟ما أظن!!!
أنتي بالأشياء اللي قاعده تسوينها تحرقين مو 10 ريال الا تحرقين الاف الريالات كل شهر وانتي مو حاسه!!!
أبيج الحين تمسكين ورقة وقلم وتشوفين مدخولج...أخصمي منها مبلغ للتوفير ما يقل عن 10% وأتوقع لو توصل ال30% أفضل...وشوفي كيف راح تقدرين تدبرين حالج هالشهر ومن وين تقدرين تدبرين نفسج..
مثلا بدال فواتير الموبايل اللي تصك ال500 وفوق قللي منها وكلمي بهاتف البيت..خاصة اذا كنتي بالبيت..
بدال الأكل ما ينرمى كل يوم قللي الكمية على قدكم بالضبط حتى لو حسيتي أنه خلص كله وجن عيالج ودهم بزيادة زيدي شوي وشوفي بالضبط شاللي يكفي ولو بقى شي أرسليه لحد من جيرانكم فقير والا العمال اللي بالطرق وربي يطرح البركة في بيتج بالصدقة.
بدال ما تشترين الملابس الماركات حق عيالج تدرين أنهم يكبرون بسرعه ومايلبسونها الا مرة أو 2 فأبدليها بالملابس الحلوة واللي أسعارها مناسبة.
بدال ما تروحين السوبرماركت كم مرة بالأسبوع تكون الروحة مرة واحدة فقط ,واذا خلص نوع من أنواع الخبز يستعيضون بنوع باخر حتى يخلص الموجود.
وفي أمثلة كثيييييييييرة لا يتسع لها المقام وانتي وأبداعج وياريت تزيدونا من تجاربكم بالتوفير :)
وتابعونا في الخطوات القادمةبنت الدوحة2000 المرحلة الرابعة: تحكمي بنفقاتج: أكيد في ناس واجد يقرون كلامي يقولون احنا يادوب الراتب يكفينا شلون نوفر منه؟؟؟ لو شريتي مجلة ب10 ريالات ورميتيها بالزبالة بدون ما تقرينها هل راح تتحسفين؟؟ لو شريتي طقم بالتنزيلات ب500ريال وتميتي سنه مالبستيه…
75% توفير ؟؟؟
بس جد خليتنيني أفكر ف قرار صعب // أكسر الفيزا كارد . لأن الـ 75% اللي ذكرتيها تسحبها الفيزا مع نزول الراتب :hahaha:
على كذا أسددها هالشهر وأخليهم يكنسلونها .. أصلاً خسايرها كثيرة .
مواضيع مشابهة
تابعي تجارب أخرى من هذا القسم.