يا ريت اللي من ليبيا اتخش

يه يه يه
وينكن يابناااات !!!
الموضوع لقيته يبي يطلع للصفحة الثانية قتله وين ماشي مغير اقعد بس !!!
كانكن شنو في !!!
بسم الله ... هذي عوينة باهية ...
ماشاء الله ... الله اكبر ... لاقوة الا بالله ...

عيوني سهارا ...
اسمعي خلينا انديرو تخفيف واللهِ امس مانحساب روحى الا نموت بعيد عليكن قلبي وجعني وانهديت وماقدرت نوقف على حالى !!! لالالالالالالالا ياحنا خلينا عالتخفيف احنا امهات عويلة ونجرو بروحنا مغير نحولو الحلو والخبز يلى يسمن توا ننقصو ان شاالله ... انا عارفة علتي فى الشوكلاتة الا الباقي واللهِ مانى اكولة :( لكن بعيد عليكن حتى الهواء قعد يسمن فيا ...

سلفية ...
تى يابتى ركزي معها عيونى ... عاد افرحي اهي جيتك وخاطرها اتلاقي معاك ... ولا تبي الناس بالنت وماتبيهم بالوجه خخخخخخخ :hahaha: ... ماتزعلش امبصر معاك :22: ... عارفتك ياحنا الحمل يخلي الوحدة تدوي من خشومها :) ...

حياة حلوة ...
يارب ان شاالله بالنجاح والتوفيق غير شدي حيالك انتِ ...
ومشكورة عالنكت هههههههههههههههه :hahaha: ...

السلام عليكم

كيف حالكم توا انشاء الله باهيين

امواج

شكله الريجيم عامل عمايل معاك , ياحنة خلينا علي التخفيف و خلاص و الله حتى الي ما كنتش ناكل فيه توا جي في خاطري:42:

وراجلي بدل ما يفرح اني بندير ريجيم زعلان ما يبيش ياكل بروحه شوفتي الدلوع , و غدوة عازمنا علي مطعم بش تكمل الحكاية
:) :) :)

سلفية
وينك , تي غير تعالي, خلاص ماناش متلاقين غير تعالي هدرزي وطمنينا عليك وقوليلنا شن اخبارك توا وشن تحسي في روحك احسن
:26: :26: :26:

السلام عليكم

كيف حالكم يا بنات اليوم ان شاء الله بخير



عيوني سهارا شكرا عالدعاء ,,, ومافيه تعب ولا شئ


سلفية اهو الدواء توا نجرب فيه واشبح شنو يصير
لكن واحدة من قريباتي شكرت الانبولات هلبا


امواج

ههههههههههه لا شعوفة ماعاد نديرها اللويزة
خليني في اللي نعرفه واندير فيه قبل ,, توا فازو الشكلاتة اللي شريته ليها بناكله بالكاشيك وخلاص هههههه


وسلامي للجميع

السلام عليكم
كيف الحال والاحوال

G Libya
شن اخبارك, ومشكورة حبيبتي وكيف ما فيش تعب, هذا من ذوقك و ادبك تقولي ما فيش تعب
و صحتين علي الشوكلاته , ناس في الريجيم و ناس تاكل في الشوكلاته , و بالنسبة لمقدار الزيت والسمن في الغريبة كم بالضبط
و بارك الله فيك