شاركي في النقاش

سجلي الدخول لإضافة تعليق.

التعليقات

49
  1. صاحبة الموضوع
    مايحبوني؟!
    المهم يوم جا الصباح رحنا للمدرسه وبالرجعه قلنا لاختي من الاب مابنرجع معاك قالت وين تروحون قلت بنروح للجيران علشان يودونا لامي نخاف اخونا يطردنا رحنا للجيران وكلمت الحرمه قلت نبي ولدك يودينا لامي قالت ليش في شي قلنا لا بس نبي نروح لام…
    الترم الثاني كنت اذاكر احس اني موب قادره اصلي وابكي ياربي وشفيني وش صار انا مره احفظ بسرعه وشاطره وقعدت ادعي ربي المهم اذاكر واغصب نفسي لاني ابي احقق اللي وعدت امي فيه ووعدت اخواني فيه
    واشد على نفسي واضغط عليها وجبت نسبه 92 المهم
    سجلت بالكليه واخترت القسم اللي احبه واموت فيه
    لكن للاسف ماقبلوني وحطوني بقسم ثاني وتحطمت لكن قلت مايخالف كل شي يهون لاجل اهلي اهم شي اتوضف موب مهم اني اخذ قسم احبه
    بس كنت مذاكر مثل اول واحس اني تغيرت وهالفتره هو رجع من السفر عاد انا حنيت وحسيت اني للحين احبه ورجعت له على فكره بنات ماكان عندنا تليفون يارسايل ياقابله غصب اقابله لانه كان يقول بقطع العلاقه وانا كنت احبه
    المهم
    نجحت وجبت جيد جدا من السنه الاولى
    بالاجازه قررو يسافرون مره ويروحون مدينه ثانيه انا هنا بكيت انهبلت تعبت نفسيا مب مصدقه شلون وليه وكيف
    المهم اني تعبت تعب شديد وماصرت اكل وكنت اعيش على المويه واهلي وامي وابوي كلهم يبكون على حالي مايدرون يحسبونها عين
    اذكر اخته جت زارتنا قالت بتكم فيها علامات الموت وامي بغت تنهبل
    وتقابلنا قبل يسافر قال لاتنتظريني تزوجي انا وراي مشوار على بال مافكر اتزوج وانتي موب من جماعتنا واهلك بيرفضون ومن هالكلام قعدت اصيح وابكي وهو يقول خلاص خلاص انسي الموضوع ماراح انساك وانتي انشاءالله تطلعين جوال واو تركبون تليفون ونتواصل
    وسافروا
    تخيل معاي يابنات
    انا الانسانه الخجوله اخجل من امي وابوي لاشعوري اليوم الثاني بدون مستاذن من امي لبست العبايه وطلعت امي تقول وين قلت بروح اودع الجيرن قالت ودعناهم امس قلت بروح اودعهم وامي تناظرني مستغربه
    ورحت سلم عليهم وبكيت وكلهم يناظروني احسهم شكو فيني بس لاشعوري قعدت اصيح

    وسافرو
    وبعد شهر بديت ارجع للحياه من جديد

    وحاولت اطلع جوال رفضت امي وابوي رفض قلت ركبو تليفون رفضو
    وشكيت الحال لوحده وقالت انا بطلع لك من صديقاتي بالكليه
    وطلعته وكلمته بس مكالمتين وبعدها غير جواله وحاولت اوصله وعرفت انه ماعاد يبيني وانه خلاص يبي ينسى
    جتني صدمه والله ثم والله ثم والله لاشعوري وقتها قعدت ادق ارقام من عقلي واسولف يحسبونتي مجنونه وانا اقول ابي اسولف واضحك ممكن مدري شلون سويت كذا لاشعوري كاني انجنيت مدري شصار فيني
    ورسبت الترم الاول وحملت ثلاث مواد
    الترم الثاني اربع مواد
    وحسيت اني مليت من حياتي وكسرت الجوال
    حتى الكليه كرهتا كنت ادخل الصاله واصيح وابوي وامي يطلعون شفيك اقولهم اكره الدراسه اكره كل شي انا برسب وهم يهدوني يقولون عادي حت ى لو ترسبين اهم شي صحتك وكلهم خافو علي ويقولون فيك عين ومن هالكلام
    تصدقون يابنات احس ضاعت احلام
    وتحطمت
    تصدقون احلام كثيره وعدت اهلي فيها بس ماوفيت بوعودي
    تصدقون اول مكافاه اخذتها اعطيت الباص اللي يودينا فلوسه والباقي اشتريت لاخواتي العاب واعطيت ابوي الباقي
    وانا مخذت شي تصدقون داومت الكليه سنتين بتنورتين وبلوزتين بس والله كنت اداوم الساععه اربع الفجر وارجع اربع العصر وانا مكلت شي مامعاي مصروف لان الكليه كانت بعيده مره
    المهم ماقلت لاهلي اني رسبت قلت اني باجل
    وبعدها اخواتي ثنتين دخلو الكليه
    وابوي سجل بالضمان
    وصار يجينا دخل صح انه قليل بس صرنا احسن من اول نشتري ملابس وركبنا تليفون واشترينا كمبيوتر
    واشياء كثيره تغيرت

    بس النفسيه ماتغيرت دماااااااااااااااااااااااااااااااااااااااااااااااااااااااااااااااااااااااار


    وبالنهايه قلت لاهلي انا ماعاد ابي الكليه ابي اغير القسم او ماراح اكمل
    لما شفت خواتي وصلو الكليه حسيت الحمل خف عني شوي
    ولي فتره تاركه الدراسه بس برجع السنه الجايه ادعولي وبدرس من جديد


    بنات انا انسانه احس اني مريضه تصدقون احس فيني وسواس مثلا اذا رحت المطبخ او انجرحت يدي على طول يجون ببالي اهلي واقول اهم شي ماصر فيهم شي ومنجرح منهم احد انا عادي اتحمل بس هم لا مايتحملون
    وبعد اذا شفت احد يبكي اروح ابكي متحمل
    واذا شفت اخواني يتهاوشون ماقعد اسكتهم لا انحاش الغرفه واقعد ابكي وامي واخواتي يضحكون علي يقولون شفيها ذي

    صح حالتنا الماديه تحسنت شوي بس انا نفسيتي شلون احسنها احس مافي امل
    ادعولي بالهدايه ادعولي بالشفاء من المرض هذابنات انا تعبانه عندي كلام كثييييييييييييييييييييييييييييييير بس تعبت ومقدر اطول اكثر من كذا متى ما قدرت ادخل بتكلم معاكم تحملوني ارجوكم
  2. الله يهديك وينور قلبك للايمان الله يعوضك باالجنه ويرزقك رزق حلال طيب
    الله يوفقك دنيا واخره
    الله يشفيكي اللهم اجعل القرآن ربيع قلبها ونور صدرها وجلاء حزنها وذهاب همها
  3. @rod_alaayon

    اختي الله يشفيك ويهديك ياااارب
    اختي ألجأي إلى القرآن اقرأي سورة البقرة واكثري من الاستغفار وقومي الليل ادعي الله ان يفرجها لك وتضرعي وتذللي بين يديه والله ان الله ماراح يردك ابد وداومي على هالشي بتلقين الراحة والسعادة بإذن الله .
    يقول عمر( مانزل بلاء الا بذنب ومارفع إلا بتوبه ) اكثري من الاستغفار
    اختي مافيه احد ماعنده مشاكل او هموم .. لكن والله مافيه احد بينفعك إلا رب العالمين ..ولاتنسين دراستك كمليها واجتهدي كلها كم سنه وتفتكين منها
    وان شاء الله ماأنساك بدعائي
    الله يوفقك اختي ويفرجها لك عاجلا
    :)
  4. ماقد ذكرت انك تجلسين على سجادتك تدعين ربك
    دايم ادعي في سجودك ربي اشرح لي صدري ويسر لي امري
    يا قلبي انتي حياتك عاديه جدا وما فيها مشاكل الفقر مو عيب والا مشكله توصلك هالحاله ومن قال اننا بنضحك عليك لانك كنتي فقيره
    انتي ناقصك الثقه بنفسك لان اهلك فقراء
    بقول لك شيء فيه ناس لما يخطبون لعيالهم يدورون الفقيره اللي ما تربت على الدلع علشان ما تتعب ولدهم ماديا
    بصراحه انا اشوف ماعندك مشكله غير ضعف الوازع الديني عندك ومطاوعتك للشيطان بسسسسسس
    لا تضيعين نفسك مع احد علشان نظرتك الدونيه لنفسك انتبهي الله يستر عليك ترى مو كل مره تسلم الجره اما اخوانك من ابوك ماعليك منهم ولا هو لازم يحبونكم انتم اهم شيء لا تغلطون بحقهم وهم بكيفهم
    انتي انسانه رائعه في مشاعرك لاهلك فلا تخربين ما بنيته من سنين بلحظات ضعف مصدرها ابليس اللعين
    واعلمي ان رزقك بيد ربك ولا هو بيد احد ثاااااااااااني
    واكثري من التقرب الى الله وبتشوفين كيف مزاجك بيتغير
  5. @alaaod_almnthor

    أختي اشياء ومواقف كثيره ذكرتيها صارت في طفولتج ذكرتني بطفولتي انا من صغري كنت افهم واستوعب ماشاء الله واي كلمه اتزعلني وما عندي لا صديقه ولا شي وصدقيني احسن شي سويتيه انج طلعتي اللي بخاطرج لا تكتمين شي بعدين تتعقدين وتمرضين , خلاص الماضي راح والظروف تعدلت انسي وانا اختج وانتى بعدج صغيره كملي دراستج وحاليا اتفرغي للعباده وعوضي اهلج عن الخوف والحزن اللي عيشتيهم فيه يوم كنتى مريضه وحزينه خليهم يشوفونج مستانسه ومبسوطه ترا اليوم اللي يروح ما يرجع وعقبال الوظيفه . وطمنينا عليج

تابعي تجارب أخرى من هذا القسم.